Kuntrasti fi Triq ir-Repubblika f’temp ta’ 24 siegħa

Kuntrasti fl-atmosfera fil-Belt Valletta. Wara l-folol u sens ta’ għaġġla għax-xiri sfrenat tal-aħħar ftit jiem, f’jum il-Milied irrenjat il-kalma u l-ħemda. Issa li r-rigali nxtraw u tqassmu u l-qadjiet laħqu saru, in-nies jippassiġġaw kienu l-aktar turisti, familji akkumpanjati minn tfal tant msaħħra bl-ispirtu tal-Milied irekknu f’idhom xi rigal jew tnejn u anzjani u ħbieb li ltaqgħu biex jagħtu l-awguri lil xulxin.

Hemm min l-irwol tiegħu jew tagħha fil-Milied ikun li jipprovdi divertiment u pjaċir lil ħaddieħor. Bħal żewġ koki li ltqajna magħhom li qed isajru flimkien biex jippruvaw jagħmlu l-Milied wieħed memorabbli għal dawk li jżurhom fir-ristorant.

Iltqajna wkoll ma’ dawk li qed isofru tbatija u s-sofferenzi tal-mard.

Jispikka wkoll l-element reliġjuż tal-festa li intrinsikament huwa l-fattur li jimmotiva l-aspett spiritwali tal-Milied.

“Din is-salvazzjoni irridu nwassluha lil kulħadd no matter jekk hux familja hux barrani jew Malti jew għaddej minn xi sitazzjoni jew kundizzjoni jew oħra, din is-salvazzjoni huwa l-ferħ tal-Milied, dan qed nippruvaw inwasslu,” qal Fr George Ocar Buttigieg.

Minkejja r-ritmu kajman fil-kapitali, l-atmosfera kienet imżewqa bil-moti ferrieħa tal-qniepen u l-mużika tal-Milied li tgħaqqad familji, ħbieb u kollegi biex din il-festa tibqa’ toffri l-opportunità li tressaq ukoll lejn xulxin persuni li forsi ma jarawx għajn m’għajn u jiċċelebraw is-sens ta’ paċi li ġġib magħha din l-okkażjoni.

Aħbarijiet Oħra
Forzi Armati

Post pożittiva fuq il-paġna ta’ Alison Bezzina, li tiġġieled għad-drittijiet tal-annimali, turi kif żewġt iklieb reġgħu ngħaqdu ma’ sidhom wara li nġabru minn membri tal-Forzi Armati. Bezzina qassmet din l-aħbar…

Qorti

Filmat imxandar minn TVM kien strumentali biex tliet ‘bouncers’ instabu ħatja li weġġgħu gravi lil żewġt irġiel f’Paceville. Fil-ftuħ tas-sentenza l-Maġistrat Joseph Mifsud iddikjara li l-każ kien wasal quddiem il-Qorti wara…

Qorti

Mill-investigazzjoni nstab li Lorin Scicluna kellu erba’ armi tan-nar reġistrati f’ismu fosthom waħda tad-9 millimetri. Qabel ħadu lil Lorin id-Depot, il-Pulizija marru sad-dar tiegħu u minn taħt is-sodda ġew elevati…

Qorti

Fil-Qorti nstemgħet ix-xhieda tal-Ispettur Keith Arnaud li qal li għall-ħabta tal-23:10 seħħet sparatura fi Triq tal-Ġebel li fiha kien hemm persuna maqtula u tnejn oħra midruba. L-Ispettur Arnaud qal li…

Aktar