Lokali
Kurt Farrugia maħtur Kap Eżekuttiv tal-Malta Enterprise

Il-bord tad-diretturi tal-Malta Enterprise approva l-ħatra tas-Sur Kurt Farrugia bħala Kap Eżekuttiv tal-Malta Enterprise.

Fi stqarrija tal-Malta Enterprise, intqal li l-ħatra tas-Sur Farrugia se tkun b’effett mill-bidu t’Awwissu wara li jirtira mill-kariga s-Sur Mario Galea.

William Wait, iċ-Chairman tal-Malta Enterprise, irringrazzja lis-Sur Galea għall-karriera tiegħu ta’ 35 sena mal-Korporazzjoni, u qal li l-esperjenza li se jġib miegħu s-Sur Kurt Farrugia wara ħidma bħala Kap tal-Kommunikazzjoni tal-Gvern u Kelliem tal-Prim Ministru, se tgħin biex il-Malta Enterprise tkompli tibni fuq is-suċċessi li għamlet.

Tħabbar ukoll li s-Sur Mario Galea se jibqa’ konsulent ewlieni tal-Kap Eżekuttiv il-ġdid.

Intant, fi stqarrija oħra tal-Gvern, intqal li s-Sur Matthew Carbone se jkun il-Kap tal-Komunikazzjoni tal-Gvern b’effett mill-ewwel t’Awwissu.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar