Barranin
Kurz mistenni jinħatar bħala l-iżgħar Kanċillier fl-istorja Awstrijakka

Fl-Awstrija mistenni li jinħatar l-iżgħar Kaniċillier li qatt ġie elett.  Dan hekk kif huwa previst li l-konservattivi tal-Partit Popolari, li huwa mmexxi minn Sebastian Kurz ta’ 31 sena, rebħu l-elezzjoni ġenerali.

Kurz mistenni jkun l-iżgħar mexxej li qatt kien hawn fid-dinja, hekk kif il-partit tiegħu jidher li rebaħ b’maġġoranza ta’ 31% tal-voti.  Għad mhux magħruf min se jispiċċa t-tieni fl-elezzjoni bejn is-Soċjal Demokratiċi u l-partit tal-lemin estrem.  Minħabba li ma kisibx il-maġġoranza, Kurz aktarx li se jkollu jifforma koalizzjoni mal-partit lemin estrem li huwa kontra l-immigrazzjoni.

Meta kien qed jindirizza lill-partitarji tiegħu, Kurz qal li kien wasal iż-żmien għall-bidla fil-pajjiż u sostna li r-riżultat miksub wera r-rieda għall-bidla.  Qabel din l-elezzjoni, Kurz kien l-iżgħar Ministru għall-Affarijiet Barranin fl-Ewropa, biex f’Mejju li għadda inħatar mexxej tal-partit tiegħu.

Daħal fil-politika fil-fergħa taż-żgħażagħ tal-partit, sar President tagħha, u wara serva bħala Sindku ta’ Vjenna.  Imlaqqam ‘Wunderwuzzi’ (li tfisser jimxi fuq l-ilma – walk on water), Kurz ħoloq moviment madwaru billi ta dehra ġdida lill-Partit Popolari li ilu fit-tmun tal-pajjiż għal dawn l-aħħar 30 sena.

 

Aħbarijiet Oħra
Barranin

Raġel fl-Istati Uniti li ġiegħel lil bintu żgħira tidħol f’magna biex tisraq il-ġugarelli nqabad u tressaq quddiem il-Qorti. Huwa nkixef b’filmat tas-sigurtà li ttella’ fuq il-midja soċjali mill-Pulizija ta’ Salem…

Barranin

Baħħar Indjan spiċċa mitluf f’nofs l-Oċean Indjan midrub serjament wara li d-dgħajsa tiegħu ġarrbet ħsarat kbar waqt maltempata. L-inċident seħħ il-Ġimgħa meta l-baħħar Abhilash Tomy spiċċa 3,200km ‘l barra mill-kosta Awstraljana…

Barranin

Żewġ nisa u żewġt itfal, fosthom tarbija, jidhru fuq filmat qed jinqatlu kiesaħ u biered fil-Kamerun minn irġiel lebsin uniformi ta’ suldati. Il-vittmi jidhru jinħarġu ‘l barra minn villaġġ, jiġu…

Kurżitajiet

Il-Bażilika tas-Sagrada Familia f’Barċellona, il-kapolavur tal-arkitett Antoni Gaudí ilha 136 sena tinbena. Il-Bażilika, li hija rikonoxxuta mill-UNESCO bħala sit ta’ wirt kulturali dinji qatt ma nħarġilha permess għax-xogħlijiet, liema proġett…

Aktar