Kurżitajiet
Kważi spiċċajna bla banana

Il-banana selvaġġa tinsab fuq il-lista tal-pjanti li jinsabu f’riskju li jinqerdu.  Instab li fil-Madagascar biss għad fadal 5 siġriet jgħixu f’art selvaġġa.

Xjenzati qalu li l-pjanta trid tiġi konservata u jista’ jkun li hija s-sigriet biex issalva l-ispeċi kollha tal-banana milli jinqerdu fil-futur.  Ħafna mill-banana li nieklu hija tat-tip Cavendish, li hija vulnerabbli għall-pestiċida.

Għaddejja ġlieda mal-ħin biex jiġu żviluppati varjetajiet ġodda ta’ banana li huma kemm tajbin u reżiljenti għall-mard.  Il-banana Madagascan evolviet waħidha fuq gżira u għandha bosta’ nutrijenti speċjali.

Jekk tiġi protetta l-banana selvaġġa, ikun hemm ċans li tinġabar iż-żerriegħa u x-xjenzati jistudjaw il-ġenetika tagħha.  Il-banana Madagascan tipproduċi żerriegħa fil-frott li ma jkunx tajjeb għall-ikel.

Madanakollu jekk isir taħlit ta’ varjetajiet ta’ banana jista’ jkun li tinħoloq tip ta’ frotta li tkun tajba għall-ikel u fl-istess ħin ma jimradx malajr.

Il-banana tikber fil-periferija tal-foresti fejn hi vulnerabbli għall-ħsara mit-temp sever, kif ukoll min-nirien u t-tqaċċit tas-siġar għall-agrikoltura.

Għalissa tista’ ssib tixtri banana fil-ħwienet, iżda fil-futur hemm ċans li tkun skarsa.  Il-mard fil-banana Cavendish huwa limitat biss għall-Asja, iżda jekk jinfirex ikollna problema kbira għax nispiċċaw bla banana.

Aħbarijiet Oħra
Kurżitajiet

Ġuvni li għandu għal qalbu l-Malti ma felaħx jara tpinġija ta’ raġel miktuba ħażin u ddeċieda jagħmel waħda minn tiegħu. Ritratt li dar il-midja soċjali ftit tal-jiem ilu b’raġel kburi…

Barranin

L-awtoritajiet Kolombjani splodew binja ta’ tmien sulari f’Medellin, li fiha kien jgħix ħajja lussuża Pablo Escobar, magħruf bħala r-re tal-kokaina. Escobar kiseb fama bħala wieħed mill-ikbar traffikanti tal-kokaina mill-pajjiżi tal-Amerika…

Barranin

Żewġ cruise liners jidher li għaddew wisq qrib ta’ xulxin meta kienu sorġuti fil-port ta’ Buenos Aires, fl-Arġentina. Filmat li nġibed minn passiġier ta’ dgħajsa fl-istess port turi l-vapur MSC…

Barranin

Ħaddiema Estonjani ħadmu flimkien biex salvaw kelb minn xmara ffriżata iżda ħadu qatgħa meta ntebħu x’għamlu b’idejhom. L-annimal sab ruħu f’diffikultà fi xmara ffrizata meta għadd ta’ ħaddiema qalbhom tajba…

Aktar