Reliġjon
Kwistjoni bejn l-Isqof u l-Gran Mastru twelled il-Parroċċa ta’ San Pawl fil-Belt

Illum Malta qed tiċċelebra n-Nawfraġju ta’ San Pawl. Il-kult Pawlin f’Malta huwa b’saħħtu tant li kif qal ir-riċerkatur u storiku Mario Coleiro, San Pawl għandu tliet festi differenti f’Malta: in-Nawfraġju ta’ San Pawl fil-Belt Valletta, il-martirju ta’ San Pawl fir-Rabat u l-Katidral tal-Imdina u l-Parroċċa ta’ Ħal Safi ddedikati għall-Konverżjoni ta’ San Pawl.

Waqt il-programm TVMi – Insights, Coleiro tkellem dwar il-kult Pawlin li fi kliemu reġa’ ġie b’saħħtu taħt it-tmexxija tal-Gran Mastru Alof de Wignacourt.

Punt interessanti li ħareġ waqt il-progamm kif il-kult Pawlin infirrex għall-Belt Valletta. Qal li l-Parroċċa ta’ San Pawl fil-Belt Valletta kienet intenzjonata minħabba kwistjoni li kien hemm bejn il-Gran Mastru u l-Isqof. Coleiro qal li f’nofs din il-kwistjoni daħlu d-Dumnikani li bis-saħħa tal-Papa Piju V waqqfu l-Parroċċa ta’ San Duminku, fil-Belt Valletta. L-istoriku spjega li l-Isqof ried jistabilixxi l-parroċċa tiegħu fil-Belt Valletta u għalhekk twieldet il-Parroċċa ta’ San Pawl u ntgħażel il-jum tal-10 ta’ Frar bħala simbolu ta’ Nawfraġju ta’ San Pawl.

Fil-jum li Malta qed tiċċelebra l-miġja ta’ San Pawl, illejla TVMi – Insights se jiddiskuti diversi aspetti dwar San Pawl u Malta fosthom jekk hux vera li San Pawl ġie Malta.

TVMi – Insights jixxandar illejla fuq TVM fil-10.30pm. Tista’ tara l-progammi TVMi – Insights minn hawn.

Aħbarijiet Oħra
Relazzjonijiet Industrijali

Il-President tal-Union tal-Infermiera u l-Qwiebel, Paul Pace, qal lil TVM li jista’ jkun hemm żblokk ma’ Steward Healthcare biex l-MUMN tkun tista’ tneħħi d-direttivi ta’ azzjonijiet industrijali lill-carers fl-isptar Karen…

Politika

Il-President George Vella llum iltaqa’ mal-President tal-Awstrija; Alexander Van der Bellen, waqt li qiegħed għal żjara fl-Awstrija. Il-President Awstrijakk tkellem dwar ir-rabtiet b’saħħithom bejn iż-żewġ pajjiżi u kif dawn komplew…

Kultura

Illejla qed jiġi inawgurat il-presepju tradizzjonali Malti fi Vjenna. Dan il-presepju se jkun esibit f’wieħed mill-ikbar swieq tal-Milied fl-Ewropa. Wara li kien għall-wiri fil-Pjazza tal-Vatikan fl-2016, fil-Pjazza tal-Maxtura f’Betlem fl-2017…

Kultura

Tela’ s-siparju fuq id-disa’ edizzjoni tal-Festival Żigużajg, li ser isir fuq medda ta’ għaxart ijiem. Din is-sena mal-130 artist qed jieħdu sehem f’numru ta’ proġetti artistiċi, li fi kliem id-Direttur…

Aktar