Avjazzjoni
L-A380 – l-akbar ajruplan tal-passiġġieri fid-dinja fir-reġistru Malti tal-avjazzjoni

Żvelata d-dehra l-ġdida tal-akbar ajruplan li jtajjar il-bandiera Maltija – Airbus A380 – tal-kumpanija HiFly.

L-ajruplan li ġie rreġistrat f’Malta dan ix-xahar iġorr qrib il-500 passiġġier, b’faċilitajiet lussużi għal dawk li jagħżlu li jivvjaġġaw f’kategorija ta’ klassi għolja.

L-ajruplan inżebaħ mill-ġdid ukoll f’Malta . . . f’kumpanija bbażata fil-park tal-avjazzjoni.

L-akbar ajruplan tal-passiġġieri fid-dinja u l-akbar wieħed fir-reġistru Malti tal-avjazzjoni, Airbus A380, operat mill-kumpanija Portugiża Hifly, ġie miżbugħ f’Malta b’ilwien distintivi li jwasslu messaġġ favur il-konservazzjoni tal-ambjent marittimu.

L-ajruplan, li fih żewġ livelli fejn jistgħu jpoġġu madwar 500 passiġġier, intwera lill-Ministru Ian Borg qabel ma’ l-Ħamis filgħodu jħalli Malta biex ikun esebit waqt il-Farnborough Airshow f’Londra.

Il-Viċi President ta’ Hifly, Carlos Mirpuri, qal li huma investew ħafna f’dan l-ajruplan li nġieb minn Singapore biex joffri servizz ta’ lussu.

Il-Viċi President ta’ Hifly, Carlos Mirpuri qal “here it is. This is A380, that has a very high pedigree and is in very mint condition and will carry the message that is very important to us that is to have safer marine life, to have protection for the coral reefs and to make sure the next generations respect this message.”

Hi Fly tispeċjalizza fil-kiri ta’ ajruplani bl-ekwipaġġ u topera madwar id-dinja. S’issa rreġistrat sitt ajruplani f’Malta. Is-Sur Mirpuri qal li għandhom ħsieb iżidu aktar ajruplani mill-flotta tagħhom fir-reġistru Malti tal-avjazzjoni.

Il-Viċi President ta’ HiFly, Carlos Mirpuri qal “this is just another airplane joining the rest of the fleet of Hifly Malta and more will come for sure. We hope to have more 380s to fly for Hifly in the future.”

Il-Ministru għat-trasport Ian Borg qal li Malta issa għandha aktar minn 280 ajruplan fir-reġistru tagħha, aktar mid-doppju ta’ dak li kien hemm sitt snin ilu. Żied li dan jorbot ukoll mas-servizzi li qed ikunu offruti għas-settur tal-avjazzjoni, li qed jiżdiedu.

Il-Ministru għat-Trasport, Ian Borg qal “is-suċċessi li ksibna fis settur marittimu nistgħu nirrepetuhom fil-qasam tal-avjazzjoni. Li hemm sabiħ ukoll li għandek numru ta’ kumpaniji minn setturi differentui li qed jagħtu servizzi lil xulxin. Ajruplan taħt banidera Maltija għażel kumapija li qiegħda Malta biex jingħata s-servizzi meħtieġa.

Id-disinn u x-xogħol fuq il-qafas ta’ dan l-A380 sar mill-kumpanija Aviation Cosmetics li ilha 18-il xahar topera minn Ħal Safi.

Aħbarijiet Oħra
Qorti

Kompliet tinstema’ l-kumpilazzjoni tax-xhieda fil-konfront ta’ Alfred u George Degiorgio u Angelina Pop akkużati b’ħasil ta’ flus. Quddiem il-Maġistrat Joe Mifsud xehdu diversi rappreżentanti ta’ kumpaniji tal-assikurazzjoni li taw rendikont…

Qorti

Tressaq il-Qorti Charlot Gauci li kien ilu li għeb għal dawn l-aħħar sentejn u jinsab akkużat li ffroda €16,000 lil Luigi Susino u Catherine Zammit. F’dawn is-sentejn Gauci qatt ma…

Ekonomija u Finanzi

Is-sena li għaddiet Malta rreġistrat l-ogħla surplus minn fost il-pajjiżi tal-Unjoni Ewropea. Dan ħareġ minn statistika tal-Eurostat, fejn Malta kienet irrappurtata li kellha surplus ta’ 3.5%. L-ogħla surplus wara dak…

Temp

Għalqa f’Ħ’Attard spiċċat mgħarrqa bl-ilma wara l-maltemp li ħakem il-gżejjer Maltin ilbieraħ filgħaxija sa kmieni filgħodu. L-għalqa tinsab fi Triq Durumblat.

Aktar