COVID-19
L-Aġenzija Ewropea tal-Mediċini se tanalizza t-tilqima ta’ Janssen għall-Covid-19

L-Aġenzija Ewropea tal-Mediċini (EMA) ħabbret li rċeviet applikazzjoni biex tagħti awtorizazzjoni kundizzjonata għall-bejgħ tat-tilqima kontra l-Covid-19 prodotta mill-kumpanija Janssen-Cilag International N.V.

Din hija r-raba’ applikazzjoni għall-awtorizzazzjoni ta’ tilqima għall-Covid-19, wara dik ta’ BioNTech/Pfizer, Moderna u AstraZeneca.

Il-kumitat tal-mediċini (CHMP) mistenni janalizza t-tilqima ta’ Janssen fi proċess mgħaġġel, li hu possibbli li jsir minħabba li l-aġenzija diġà xtarret data ta’ kwalità u data mill-istudji tal-laboratorji dwar l-effettività tat-tilqima biex iġġiegħel is-sistema immunitarja tipproduċi antibodies li jiġġieldu l-coronavirus.

Il-kumitat huwa mistenni jagħti opinjoni lejn nofs Marzu li ġej jekk id-data tal-kumpanija dwar it-tilqima tkun meqjusa effikaċi, sigura, u ta’ kwalità.

Jekk l-EMA tiddeċiedi li l-benefiċċji tat-tilqima jiżbqu r-riskji, se tkun qed tirrakkomanda li t-tilqima Janssen tingħata awtorizzazzjoni kundizzjonata, magħrufa bl-Ingliż bħala Conditional Marketing Authorisation.

Ara wkoll:

L-ewwel testijiet bil-Coronavirus fuq il-bnedmin se jibdew fir-Renju Unit