Barranin
L-aggressur li spara fi skola jgħid li ħalla studenti ħajjin biex jirrakkontaw l-istorja

Dak li hu suspettat li wettaq il-massakru fl-iskola ta’ Santa Fe f’Texas qal lill-Qorti li hu ma qatilx lill-istudenti kollha li sab quddiemu, għaliex ried li jħalli ħajjin lil dawk li kellu grazzja magħhom, u li ried ukoll li min baqa’ ħaj jirrakkonta l-istorja tiegħu. Il-ġuvni ta’ sbatax -il sena, Dimitrios Pogourtzis ġie akkużat bil-qtil ta’ għaxar persuni nhar il-Ġimgħa fil-belt ta’ Santa Fe f’Texas. Skont affidavit li ddaħħal fil-Qorti, il-ġuvni għandu d-dritt li jibqa’ sieket, iżda dan ammetta li qatel ammont ta’ persuni.

L-awtoritajiet qalu li qabel ma ġie arrestat, il-ġuvni dam jispara fil-konfront tal-pulizija għal madwar ħmistax -il minuta sakemm ċeda.

F’dan il-massakru nqatlu tmien studenti, u żewġ għalliema, filwaqt li tlettax sfaw midruba, b’persuna minnhom tinsab f’qagħda kritika.

Waħda mill-istudenti rrakkuntat kif il-ġuvni daħal fil-klassi tagħha u beda jipponta l-arma tan-nar filwaqt li beda jgħid li se joqtol lin-nies. Dan il-qtil huwa r-raba’ wieħed fi skola Amerikana f’dawn l-aħħar snin. L-aħħar massakru fi skola seħħ fi Frar li għadda, fi Florida fejn kienu nqatlu sbatax -il ruħ.

Aħbarijiet Oħra
Barranin

Ftit jiem qabel l-inawgurazzjoni tal-ftuħ ta’ lukanda f’Liverpool, ħaddiem baqa’ dieħel intenzjonalment fil-faċċata tal-binja b’digger. Diversi sorsi qed jirrappurtaw li ħaddiem li ma baqa’ ma tħallasx ta’ xogħlu mill-kuntrattur tal-lukanda…

Barranin

Franza sejħet għall-ambaxxatur Taljan wara li d-Deputat Prim Ministru Taljan Luigi di Maio akkuża lill-Franċiżi li jisfruttaw lill-Afrika u li bl-azzjonijiet tagħhom qed iwasslu għall-kriżi tal-immigrazzjoni. Nhar il-Ħadd, Luigi di…

Barranin

Fir-Renju Unit, il-membri parlamentari bdew iressqu l-proposti tagħhom għal bidliet fil-pjani għal Brexit qabel il-vot skedat għall-ġimgħa d-dieħla dwar ftehim emendat tal-Prim Ministru Theresa May. Il-Prim Ministru May mistennija tiltaqa’…

Brexit

Il-Prim Ministru tar-Renju Unit Theresa May ħabbret li fil-proċess dwar Brexit ser tikkonsulta b’mod aktar wiesa’ kemm mal-House of Commons kif ukoll mas-soċjetà taċ-ċivili biex tilħaq pożizzjoni komuni li twassal…

Aktar