Kultura
L-Aida dalwaqt fi Pjazza Teatru Rjal

L-ammiraturi tal-opra se jkollhom l-opportunità jaraw l-Aida fi Pjazza Teatru Rjal. Iltqajna mad-direttriċi Olandiża tal-kumpanija Opera Spanga waqt il-provi tekniċi fi Pjazza Teatru Irjal għall-produzzjoni li tifforma parti mill-programm kulturali ta’ Valletta 2018.

Fil-mumenti glorjużi tiegħu qabel it-Tieni Gwerra Dinija, it-Teatru Rjal fil-Belt ospita wħud mill-aktar opri maestużi. U fis-seklu 21, Pjazza Teatru Rjal se terġa’ twassal lill-udjenzi Maltin il-produzzjoni operistika l-Aida tal-kompożitur Giuseppe Verdi. Din l-opra kienet għamlet id-debut tagħha fil-Kajr fl-1871 u hija waħda mill-opri li l-iżjed saru rappeżentazzjonijiet tagħha madwar id-dinja.

Il-produzzjoni hija tal-kumpanija Olandiża l-Opera Spanga, bil-kast magħmul minn kantanti professjonali u mużiċisti tal-orkestra filarmonika ta’ Malta.

Id-direttur artistiku tal-kumpanija Corina van Ejik qalet li din it-tiżwiqa kollaborattiva se twassal għall-interpretazzjoni kontemporanja tal-Aida fl-istess waqt tirrispetta l-awtentiċità mużikali tal-kompożitur Verdi. Iddeskriviet l-opra bħala produzzjoni klassika li tappella għal kull żmien.

Id-Direttur Artistiku, Corina van Ejik qalet ”the music is really beautiful… the Malta Philharmonic Music Orchestra plays it beautifully conducted by our conductor, Tjalling Wijnstra, the singers are really great and if you want to see what Aida is about… what it’s really about, you should come and see this show.”

It-tħejjija għall-opra, li saret ukoll f’Leeuwarden l-Olanda f’Lulju u Awwissu ta’ din is-sena ilha sejra mill-2015, u nvolviet is-sehem ta’ studenti Olandiżi u Maltin li ħadmu mal-professjonisti tal-Opera Spanga biex jassistu fid-disinn tas-sett, kostumi u aċċessorji. Anki d-disinjaturi ċelebri tal-moda, Charles and Ron ħolqu kostumi oriġinali li se jintużaw speċifikament għal din il-produzzjoni.

L-Aida li tagħmel parti mill-programm tal-attivitajiet tal-Valletta 2018 se ssir fit-tlettax u l-ħmistax ta’ Settembru 2018.

 

Aħbarijiet Oħra
Lokali

L-Awtorità tal-Ippjanar approvat il-bini ta’ blokok residenzjali f’San Vinċenz de Paul, fil-limiti ta’ Ħal Luqa. Dawn l-erba’ blokok residenzjali mistennija jakkomodaw mal-490 resident. Il-proġett huwa mifrux fuq 16,500 metru kwadru…

Teknoloġija

Il-Kap Eżekuttiv tal-GO, Nikhil Patil, qal li kważi wasal nofs triq l-investiment ta’ €100 miljun li l-kumpanija qed tagħmel f’sistema ta’ fibre optic cable għas-servizzi tagħha. Huwa qal li dal-proġett…

Lokali

Wara li lbieraħ filgħaxija ġġarraf bini fi Gwardamanġa, Transport Malta qalet li qed tissospendi t-testijiet tat-teorija minħabba li l-uffiċċju fejn isiru dawn it-testijiet huwa parti minn din il-binja li ġġarfet….

Lokali

Il-Kummissjoni Ġustizzja u Paċi tal-Knisja organizzat laqgħa ta’ djalogu ma’ rappreżentanti tal-partiti politiċi dwar il-politika li għandu jħaddan il-Parlament Ewropew fil-leġislatura li jmiss. Il-Kummissjoni għażlet it-tema ‘Naġġustaw l-Ewropa għall-Ġid Komuni’…

Aktar