L-Air Malta bit-tieni rotta fl-Alġerija

L-Air Malta, il-Linja tal-Ajru Nazzjonali ta’ Malta, qed tippjana li tiftaħ rotta ġdida lejn Oran, it-tieni l-ikbar belt fl-Alġerija. It-titjira li ser issir darbtejn f’ġimgħa hija mistennija topera kull nhar ta’ Tnejn u Ħamis mill-20 ta’ Lulju sal-31 ta’ Awwissu.

Is-Sur Joseph Galea, id-Deputat Kap Uffiċjal Kummerċjali fisser din it-titjira bħala aħbar tajba oħra kemm għal Malta kif ukoll għall-Alġerija. Qal li l-Air Malta bdiet ittir lejn il-belt kapitali tal-Alġerija, Alġiers, f’Ġunju tal-2013 u, wara r-rispons pożittiv, issa ħerqanin sabiex jibdew bl-operat lejn Oran. Huwa qal li din il-belt hija port importanti u ċ-ċentru kummerċjali, industrijali u edukattiv tal-Punent tal-Alġerija.

Dan is-servizz ser ikompli jżid mat-titjiriet li diġà jsiru darbtejn fil-ġimgħa lejn Alġiers u li issa ser jitilgħu għal tliet darbiet fil-ġimgħa matul l-eqqel xhur tas-sajf malli jintemm ir-Ramadan. Dan is-sajf, it-titjiriet lejn Alġiers ser joperaw kull nhar ta’ Tnejn, Ħamis u Ħadd.

It-titjiriet tal-Air Malta kemm lejn Alġiers kif ukoll lejn Oran ser joffru konnettività tassew meħtieġa bejn iż-żewġ pajjiżi u l-Ewropa ċentrali permezz ta’ Malta.

Oran hija ċ-ċentru kummerċjali, industrijali, u edukattiv fil-Punent tal-Alġerija. Hija belt prinċipali fuq il-kosta tal-Majistral tal-Mediterran u tinsab 432 kilometru (268 mil) mill-kapital Algiers. Il-belt għandha popolazzjoni fl-arja metropolitana ta’ madwar miljun u nofs abitant u hija għalhekk it-tieni l-akbar belt fl-Alġerija.

L-Air Malta ħatret lil Soleil Voyages bħala l-Aġent tal-Bejgħ Ġenerali tagħha għall-Alġerija fl-1 ta’ Diċembru 2014. Soleil Voyages huma sostnuti minn netwerk ta’ aġenti lokali tal-ivvjaġġar li ser ikunu qegħdin ibigħu lill-Air Malta u lil Malta madwar il-pajjiż kollu.

Aħbarijiet Oħra
Qorti

Ir-raġel ta’ 29 sena mill-Georgia li lbieraħ ġie arrestat wara s-sejba ta’ madwar kilo kannabis, tressaq il-Qorti u ġie mixli b’akkużi ta’ pussess, importazzjoni u traffikar ta’ droga kannabis Il-Pulizija…

Kronaka

Żagħżugħ ta’ 22 sena mill-Melieħa weġġa’ gravi wara li waqa’ minn fuq ċint. L-inċident seħħ għall-ħabt tas-2pm fi Pjazza Ġużè Debono, l-Imsida. Fuq il-post issejjaħ tim mediku, li taw l-ewwel għajnuna….

Lokali

Għoxrin ġurnata għall-Milied u fil-kuntest tas-sitwazzjoni preżenti, il-GRTU qalet li l-inċertezza u l-instabilita’ qed joqtlu n-negozji f’Malta. Stħarriġ li l-GRTU qalet li għamlet ma’ aktar minn ħamsin settur ekonomiku madwar…

Barranin

Ġimgħa qabel ir-Renju Unit ikollu Gvern ġdid, il-Partiti politiċi jinsabu għaddejin bil-kampanja elettorali tagħhom. Fl-istħarriġ tal-fehma pubblika, il-Partit Konservattiv immexxi minn Boris Johnson jinsab fuq quddiem, iżda Johnson qiegħed jiffaċċja…

Aktar