Lokali
L-Air Malta se twassal il-katavru ta’ Dan Udrea r-Rumanija b’xejn

L-Air Malta se toffri t-trasport b’xejn sabiex il-katavru tal-vittma Dan Udrea jittieħed ir-Rumanija.

Dan qalu ċ-Chairperson tal-Air Malta Charles Mangion waqt il-programm Dissett.

Dan Udrea tilef ħajtu f’inċident skerz nhar is-Sibt li għadda meta waqgħet siġra fuq il-vettura tat-tip Nissan li kien qed isuq fi Triq Notabile l-Imrieħel.

Il-kumpanija li kien jaħdem magħha Dan Udrea, sħabu l-ħaddiema, u anke klijenti, ħarġu l-flus biex il-funeral ta’ Dan isir f’art twelidu.

Apparti l-ġbir ta’ fondi mill-komunità Rumena f’Malta, l-istaff tad-Dipartiment tal-Emerġenza tal-isptar Mater Dei ħa l-inizjattiva biex il-katavru ta’ Dan jintbagħat ir-Rumanija għad-difna. Il-Kap Eżekuttiv tal-Isptar Mater Dei, Ivan Falzon, qal li f’anqas minn 12-il siegħa l-mira intlaħqet, bid-donazzjonijiet se jibqgħu miftuħa u se jingħataw lill-membri tal-familja Udrea.

Dan Udrea kien deskritt minn sħabu tax-xogħol bħala bniedem impekkabbli, ħabib u blata tal-kumpanija.

Dissett jixxandar illejla fuq TVM fl-10.10pm.

Ara wkoll:

AĠĠORNAT (2): Dan Udrea huwa l-vittma fl-inċident tal-Imrieħel

AĠĠORNAT: Jitkellem ħabib ta’ Dan Udrea – ħbieb tal-vittma jiġbru l-flus għall-funeral

Il-kollegi ta’ Dan jgħidu li fejn sar l-inċident ma kinitx triqtu

Aħbarijiet Oħra
Kronaka

Uffiċjali tad-Dwana stazzjonati fl-ajruport qabdu mad-€19,000 fi flus mhux iddikjarati waqt kontrolli ta’ rutina fis-sala tat-tluq. Passiġġiera Maltija li kienet se taqbad titjira lejn Istanbul ġiet mistoqsija jekk jekk kellhiex…

Budget

Il-Kap Eżekuttiv tal-Assoċjazzjoni Għawdxija għat-Turiżmu, Joe Muscat, jitkellem dwar dak li l-GTA qed tistenna mill-baġit 2019:

Ambjent

Il-Gvern qassam aktar minn tliet mitt siġra lil seba’ kunsilli lokali. Il-lokalitajiet: il-Marsa, l-Imdina, il-Fgura, il-Gudja, Santa Luċija, il-Ħamrun u San Ġiljan ingħataw is-siġar fuq talba tagħhom stess biex ikomplu…

Budget

Il-Kap tal-Politika tal-Kamra tal-Kummerċ, Andre Fenech, jitkellem dwar dak li qed tistenna l-Kamra mill-baġit 2019:

Aktar