Lokali
L-Ajruport jerġa’ jirreġistra aktar żidiet fil-passiġġieri

L-Ajruport Internazzjonali ta’ Malta kompla jirreġistra aktar żidiet fil-passiġġieri.

F’Novembru, l-ajruport ospita ’l fuq minn 55,000 passiġġier aktar mill-2016 u b’hekk ix-xahar ingħalaq b’total ta’ 405,724 moviment. Dan ifisser li t-tkabbir fuq l-istess xahar tas-sena li għaddiet kien ta’ 15.8%.

Fi stqarrija, l-Ajruport Internazzjonali qal li s-seat load factor (SLF) għal Novembru, li jindika kemm il-linji tal-ajru rnexxielhom jimlew postijiet disponibbli fuq it-titjiriet, naqas ftit u kien ta’ 79%.

Spjega li b’aktar minn 100,000 moviment tal-passiġġieri, ir-Renju Unit kien fil-quċċata tal-lista, segwit mill-Italja, il-Ġermanja, Franza u l-Belġju. Filwaqt li l-ewwel erba’ swieq kollha rreġistraw livelli differenti ta’ tkabbir, il-Belġju tilef madwar 570 passiġġier meta mqabbel mal-2016.

Qal li l-akbar żieda ta’ passiġġieri f’Novembru ġiet mis-suq Pollakk, li kiber b’76.3% fuq is-sena li qabel. Din iż-żieda qawwija rriżultat minn bosta fatturi fosthom żieda fin-numru ta’ titjiriet fuq ir-rotot ta’ Gdansk, Krakow u Wroclaw.

Temm jgħid li swieq oħrajn li esperjenzaw titjib notevoli li rriżulta minn skeda ta’ titjiriet imtejba u allokazzjoni ta’ aktar kapaċità jinkludu t-Turkija, l-Awstrija u n-Netherlands.

Aħbarijiet Oħra
Lokali

Mara tqila ttieħdet l-isptar wara li żiemel laqat il-karozza. Mad-daqqa ż-żiemel tilef ħajtu. L-inċident seħħ fi Triq it-Tiġrija, il-Marsa għall-ħabta tal-5.10pm. Il-mara ttieħdet l-isptar Mater Dei bħala prekawzjoni.    …

Lokali

Ingliż ta’ 79 sena, dalgħodu nstab mejjet fil-kamra tas-sodda, fl-appartament fejn jgħix fi Triq it-Torri, f’Kerċem. Il-Pulizija qalet li meta marret fuq il-post, kif daħlu fil-blokka t’appartamenti, mill-ewwel inxtammet riħa…

Lokali

BirdLife Malta qalet li tilqa’ d-dikjarazzjoni tal-Prim Ministru biex ikun hawn il-ħarsien tal-ordni pubbliku. Iżda żiedet tgħid li l-ħarsien tal-liġi fil-kampanja Maltija huwa ineżistenti. Fi stqarrija ntqal li fil-kampanja Maltija…

Aktar