Lokali
L-ALPA tgħid li bil-proċeduri fil-Qorti l-Air Malta qed toħnoq il-libertà tal-bdoti

Il-union tal-bdoti tal-Air Malta, l-ALPA, qalet li bil-proċeduri għad-danni li fetħet kontra l-bdoti, l-Air Malta qed toħnoq il-libertà tagħhom li jassoċjaw ruħhom ma’ union.

L-ALPA qalet li l-Gvern fetaħ proċeduri fil-Qorti biex jirkupra d-danni mingħand il-bdoti għall-azzjoni industrijali li saret fl-1 ta’ Lulju li għadda, meta l-ALPA kienet ordnat lil membri biex jittardjaw it-titjiriet.

Il-union qalet li din l-azzjoni industrijali twaqqfet wara ftit sigħat permezz ta’ mandant ta’ inibizzjoni, u li meta l-Gvern ifittex lill-bdoti għad-danni, jkun qed jaqtagħlhom qalbhom milli jissieltu għad-drittijiet tagħhom skont il-ftehim kollettiv.

Kompliet tgħid li n-negpzjati fuq il-ftehim kollettiv kienu fallew minħabba iċ-Chief Flight Operations Officer, is-Sur Emvic Debono, fejn allegat li kien intimida l-membri tagħha.

L-APL qalet li se tkun qed tieħu passi legali biex terġa’ ddaħħal l-ekwilibriju, u li se ssejjaħ laqgħa ġenerali straordinarja biex tittieħed deċiżjoni dwar it-triq ‘il quddiem.

Aħbarijiet Oħra
Politika

L-Ispeaker tal-Parlament, Anġlu Farrugia, qal li l-membri tal-Kumitat Parlamentari għall-Kontijiet Pubbliċi ma setgħux jagħmlu mistoqsijiet dwar il-kuntratt mogħti mill-Awtorità tat-Turiżmu lid-Deputat Laburista Konrad Mizzi, qabel ma l-kontijiet awditjati tal-istess awtorità…

Saħħa

Id-Deputat Prim Ministru u Minsitru għas-Saħħa, Chris Fearne, ta rendikont tal-ħidma prekawzjonali li ttieħdet mill-awtoritajiet tas-saħħa kontra l-Coronavirus, waqt li tenna li s’issa Malta m’għandha l-ebda każ ta’ Covid-19. Il-Ministru…

Politika

L-Unjoni Ewropea qablet li torganizza missjoni militari mill-baħar u mill-ajru fil-lvant tal-Mediterran fi sforz biex twaqqaf it-traffikar tal-armi bejn ġellieda u milizji rivali fil-Libja. Dan ser isir biex ma jkomplix…

Edukazzjoni

Il-Malta Trust Foundation, li twaqqfet mill-President Emeritu Marie Louise Coliera Preca, ser testendi s-servizz tal-counselling fl-iskejjel fl-iskola medja ta’ Maria Reġina fin-Naxxar, bħala parti mill-proġett Blossom. Il-fondazzjoni kisbet finanzjament ta’…

Aktar