AĠĠORNAT: Botta u risposta bejn l-ALPA u l-Air Malta

Il-Union tal-bdoti l-ALPA irribatiet rapporti li l-membri tagħha jaħtu għad-dewmien ta’ 17-il siegħa għat-titjira lejn Palermo.

L-ALPA akkużat lil maniġment tal-Air Malta li biex jaħbi n-nuqqasijiet tiegħu qed iwaħħal fl-ekwipaġġ, li skont rapporti fil-midja injora struzzjonijiet biex jiġi jopera t-titjira ta’ Palermo għaliex kienu qed jixtru l-fjuri fl-ajruport ta’ Amsterdam.

L-ALPA qalet li t-titjira minn Amsterdam ittardjat għaliex l-ajruplan kien għadu ma tnaddafx mill-ħaddiema tal-kumpanija li tagħmel dan it-tindif abbord.

Il-union akkużat lill-management li qed jivvinta skużi frivoli li jgħaddihom baxx baxx lil midja. Il-union ikkundanant din it-tattika li qalet qed tintuża biex toskura l-piloti.

Spjegat li t-titjira ta’ Palermo ittardjat minħabba ippjanar ħażin min-naħa tal-management għax il-bdot ma setax jopera t-titjira qabel jieħu l-ħin tal-mistrieħ, kif jesiġu r-regoli internazzjonali u l-kundizzjonijiet tal-piloti.

L-Air Malta rreaġixxiet għall-istqarrija tal-ALPA u qalet li tinsab imħassba bl-imġiba ta’ xi bdoti għalkemm temmen li l-biċċa l-kbira tal-membri tal-ekwipaġġ jaħdmu qatigħ għall-kumpanija u jġibu ruħhom b’mod professjonali.

L-istqarrija tal-Air Malta tagħmel ukoll referenza għall-allegat każ ta’ bdot li weħel jixtri xi fjuri f’Amsterdam filwaqt li passiġġieri baqgħu lampa stampa jistennew it-titjira tagħhom mill-ajruport ta’ Malta lejn Palermo.

Il-kumpanija semmiet ukoll li 13-il bdot irrappurtaw ma jifilħux għax-xogħol li ħoloq staġnar fl-operat filwaqt li l-kumpanija qed taħli r-riżorsi tagħha biex tindirizza tilwim industrijali li ddeskriviet bħala mhux raġjonevoli.

L-Air Malta qalet li sa fejn tifhem, intlaħaq ftehim u pożizzjoni mal-ALPA tant li l-kumpanija kienet lesta li tiffirma l-ftehim mibgħut mill-ALPA f’Ġunju li għadda. Qalet ukoll li l-ALPA qed tinsisti fuq garanzija mill-gvern ta’ €700, 000 għal kull bdot fi ħlas għall-irtirar kmieni .

 

Ara wkoll:

Titjira posposta minħabba ħsarat f’2 ajruplani u nuqqas ta’ membri tal-ekwipaġġ

Aħbarijiet Oħra
Politika

Dr Anton Refalo ħa l-ġurament tal-ħatra bħala Ministru għall-Biedja, Sajd u Drittijiet tal-Annimali ftit tal-ħin ilu fil-Palazz ta’ San Anton. Dan il-dekasteru, li kien f’idejn il-Perit Clint Camilleri, issa jgħaddi…

Kronaka

Il-Korp tal-Pulizija qal li meta ħarġu rapporti fuq il-midja li jinvolvu lill-eks Deputat Kummissarju Silvio Valletta u Yorgen Fenech fetaħ investigazzjoni. Fi stqarrija maħruġa mill-Korp intqal li s-Sur Valletta ġie mitkellem fil-Kwartieri Ġenerali…

Kostruzzjoni

Trailer ta’ trakk li kien qed iħott il-bricks tal-konkos f’sit tal-kostruzzjoni fil-Qawra spiċċa biex għeleb fuq nuqqas ta’ ħsieb. Persuna li kienet fuq il-post qalet lil TVM li min kien…

Turiżmu

L-aħħar tliet xhur tas-sena li għaddiet ma kienux mill-aħjar għall-industrija tal-cruise liners f’Malta għalkemm is-sena li għaddiet kienet waħda tajba. Ċifri tal-Uffiċċju Nazzjonali tal-Istatistika juru li bejn Ottubru u Diċembru,…

Aktar