Politika
L-Alternattiva Demokratika b’9 kandidati għall-elezzjonijiet tal-Kunsilli Lokali

Għall-elezzjonijiet ta’ Mejju li ġej, l-Alternattiva Demokratika ser tikkontesta b’żewġ kandidati għall-Parlament Ewropew u disa’ kandidati għall-Kunsilli Lokali.

Fil-Kunsilli Lokali, Alternattiva se tikkontesta fil-Mellieħa, Birkirkara, Ħ’Attard, Marsaskala, n-Naxxar, ix-Xgħajra, Ħaż-Żebbuġ, il-Gżira u San Ġiljan.

F’laqgħa ġenerali straordinarja, Alternattiva Demokratika approvat il-manifest għal dawn l-elezzjonijiet. Iċ-Chairperson, Carmel Cacopardo, qal li l-manifest hu bbażżat fuq erba’ prinċipji: l-ekoloġija, is-saħħa, l-ugwaljanza u demokrazija. Fost oħrajn qal li biex tinbena Ewropa b’saħħitha trid tissaħħaħ id-demokrazija b’politiċi kontabbli filwaqt li sostna li mhux aċċettabbli li ma jkunx magħruf min qed jipprova jinfluwenza d-deċiżjonijiet.

Qal li l-maġġoranza tal-kandidati ta’ Alternattiva Demokratika huma żgħażagħ li qed jikkontestaw għall-ewwel darba. Żied li dawn se jfasslu l-ħidma tagħhom fuq il-ġid komuni tas-soċjetà.

Il-Perit Cacopardo qal li l-kandidati eletti f’isem Alternattiva se jaħdmu biex tissaħħaħ it-trasparenza, il-governanza tajba fil-finanzi u l-ħidma politika tal-kunsill, u t-tisħiħ tad-demokrazija lokali. Qal li s-saħħa u l-kwalità tal-ħajja tar-residenti li tiddependi mill-kwalità tal-ambjent urban ukoll se tkun ta’ prijorità, bħalma hi l-aċċessibilità tar-residenti.

Aħbarijiet Oħra
Qorti

Filmat imxandar minn TVM kien strumentali biex tliet ‘bouncers’ instabu ħatja li weġġgħu gravi lil żewġt irġiel f’Paceville. Fil-ftuħ tas-sentenza l-Maġistrat Joseph Mifsud iddikjara li l-każ kien wasal quddiem il-Qorti wara…

Qorti

Mill-investigazzjoni nstab li Lorin Scicluna kellu erba’ armi tan-nar reġistrati f’ismu fosthom waħda tad-9 millimetri. Qabel ħadu lil Lorin id-Depot, il-Pulizija marru sad-dar tiegħu u minn taħt is-sodda ġew elevati…

Qorti

Fil-Qorti nstemgħet ix-xhieda tal-Ispettur Keith Arnaud li qal li għall-ħabta tal-23:10 seħħet sparatura fi Triq tal-Ġebel li fiha kien hemm persuna maqtula u tnejn oħra midruba. L-Ispettur Arnaud qal li…

Qorti

Fil-Qorti, bdiet tinstema’ l-kumpilazzjoni tax-xhieda kontra ż-żewġ suldati akkużati bil-qtil fis-6 ta’ April li għadda ta’ Lassine Cisse Souleymane ta’ 42 sena mill-Kosta tal-Avorju. Lorin Scicluna ta’ 22 sena minn…

Aktar