Lokali
L-Ambaxxata Amerikana f’Ġerusalemm se ġġib inkwiet kbir fil-Lvant Nofsani

Għall-Palestinjani, Ġerusalemm hija l-belt fejn wieħed jista’ jħossu ħieles u jipprattika r-reliġjon tiegħu b’mod apert.  Dan intqal mill-Aġent Kap tal-Ambaxxata Palestinjana f’Malta Fadi Hanania f’kummenti lil TVM b’reazzjoni għall-ftuħ tal-Ambaxxata Amerikana f’Iżrael.

Huwa żied jgħid li ċ-ċaqliq tal-Ambaxxata Amerikana minn Tel Aviv għal Ġerusalemm minbarra ksur tal-liġi internazzjonali, se ġġib magħha inkwiet kbir fil-Lvant Nofsani.  Il-Palestinjani qed jittamaw li l-komunità internazzjonali tieħu passi biex tibqa’ tirrenja l-paċi fir-reġjun.

F’kumment lil TVM, l-Ambaxxatur tal-Iżrael għal Malta, Eyal Sela qal li għall-Iżraeljani kif ukoll għal pajjiżi oħra, l-Iżrael titqies bħala l-belt kapitali ta’ Ġerusalemm għaliex hemm jiltaqa’ l-Parlament tal-pajjiż u jsiru laqgħat tal-ogħla importanza.

Ara hawnhekk il-kummenti ta’ Fadi Hanania u Eyal Sela li taw lil TVM dwar is-sitwazzjoni attwali fil-Lvant Nofsani:

Ara wkoll:

Tfal fost il-mejta fil-vjolenza qabel il-ftuħ tal-ambaxxata Amerikana f’Ġerusalemm

Aħbarijiet Oħra
Barranin

Għalliem tax-xjenza fil-Kenja ngħata premju monetarju ta’ $1m bħala l-aqwa għalliem fid-dinja għaliex tant huwa ddedikat li saħansitra jonfoq kważi l-paga kollha fuq l-istudenti tiegħu. Peter Tabichi, li huwa qassis…

Kultura

Fis-sentejn li għamlu Malta, il-Franċiżi ħallew timbru li għadu magħna sal-lum. Ħames xhur wara li Malta saret membru tal-Organizzazzjoni Internazzjonali tal-Frankofonija, komplew l-attivitajiet biex ifakkru l-Jum Internazzjonali tal-Frankofonija, f’pajjiżi li…

Aktar