Lokali
L-Ambaxxatur Taljan jippreżenta l-kredenzjali lill-President

Il-gvern Taljan ħatar ambaxxatur ġdid ghal Malta. L-ambaxxatur Mario Sammartino li serva f’diversi karigi diplomatiċi f’diversi pajjiżi f’intervista esklussiva ma’ tvm.com.mt wara li ppreżenta l-kredenzjali tiegħu lill-President ta’ Malta Marie Louise Coleiro Preca qal lil tvm.com.mt li jara bosta oqsma ta’ koperazzjoni fosthom fil-qasam tal-enerġija waqt li rrikonoxxa li Malta tat ix-xogħol lil bosta Taljani waqt il-kriżi ekonomika f’pajjiżu.

L-Ambaxxatur Taljan il-ġdid għal Malta Mario Sammartino qal li l-impenn tiegħu fl-oqsma kollha diplomatiċi se jkun wieħed b’saħħtu iżda prijorità ewlenija se tingħata lill-qasam ekonomiku.

Mario Sammartino qal li “economy is very important, I understand that in the last years Malta has been an attractive market labour market for Italians who were suffering during a bad economic crises, now we are overcoming our problems , the crises is almost over and this will open further opportunities of collaboration to the benefit of our countries”.

L-ambaxxatur Sammartino qal li oqsma oħra li se jaħdem dwarhom huma l-enerġija u dak kulturali. Huwa qal lir-rabtiet kulturali bejn it-Taljani u l-Maltin huwa b’saħħithom iżda hemm lok li dawn jingħata spinta ‘l quddiem flimkiem mal-qasam akkademiku. L-Ambaxxatur Sammartino qal dan wara li preżenta l-kredenzjali tieghu lill-President Marie Louise Coleiro Preca fil-Palazz Presidenzjali fil-Belt.

Intant anke n-Nunzju Appostoliku l-Arċisqof Alessandro D’Errico ppreżenta l-kredenzjali tiegħu lill-President ta’ Malta.

In-Nunzju Appostoliku għal Malta twieled fit-18 ta’ Novembru, 1950 u ġie ordnat saċerdot fl-1974. Mons. Alessandro D’Errico sar Arċisqof titullari ta’ Carini, fl-1998. Huwa studja f’Ruma fejn kiseb id-dottorat fil-Filosofija.

Huwa ngħaqad mas-Servizz Diplomatiku tal-Vatikan fl-1977 wara li serva f’diversi nunzjaturi differenti fosthom fil-Pakista, f’Bożnija Ħerzegovina, fil-Montenegro u fil-Kroazja

L-Arċisqof D’Errico huwa wkoll Nunzju Appostoliku tal-Libja.

 

Aħbarijiet Oħra
Lokali

Segwi Ħadt l-Aħbar mal-Avukata Ramona Frendo u l-Perit Michael Falzon Din hija ħarsa lejn l-istejjer ewlenin fil-ġurnali tal-lum 25/02/2018 The Sunday Times Fuq il-faċċata ritratt tal-President ta’ Malta Marie-Louise Coleiro…

Lokali

Mawra edukattiva għal studenti tat-tieni sena tal-iskola San Benild f’Tas-Sliema kienet ikkaratterizata mill-element tradizzjonali Malti. Ewlenin fosthom il-karozzin, il-lanċa kif ukoll għanjiet Maltin. Fuq in-noti tal-kanzunetta tal-Greenfields – il-karozzin –…

Lokali

Ħoss ġdid u frisk għal The Travellers, il-band li stabbilixxiet ruħha dan l-aħħar għall-kanzunetti li toħroġ bil-Malti u li tant kisbet popolarità bihom. Minn għada, din il-band se tkun qed…

Lokali

Tliet persuni nżammu arrestati mill-Pulizija wara li f’rejd li sar f’residenza u garaxx f’Ħal Qormi mill-Iskwadra ta’ kontra d-Droga nstabu sustanzi suspettati li huma raża tal-kannabis, ħaxixa tal-kannabis, kokaina u…

Aktar