Lokali
L-Aquarius kostrett jieqaf jopera għax ħadd ma tah bandiera

Il-bastiment MV Aquarius, li kien qed iwettaq operazzjonijiet ta’ salvataġġ tal-immigranti fil-Mediterran, kien kostrett jieqaf jopera.

L-għaqdiet mhux governattivi Msf u Sos Mediterranee, li kienu qed joperaw dan il-bastiment, qalu li l-ebda pajjiż ma kien lest jirreġistra l-MV Aquarius taħt il-bandiera tiegħu.

Il-bastiment kien ilu xahrejn wieqaf fil-port ta’ Marsiglia, wara li ġie ssekwestrat mill-awtoritajiet Taljani fuq akkużi ta’ traffikar u rimi ta’ skart illegali.

L-Aquarius kien qed isalpa taħt il-bandiera ta’ Ġibiltà, li rtiratlu r-reġistrazzjoni meta nqalgħet il-kontroversja. Il-bastiment imbagħad ġie rreġistrat mill-Panama, li wkoll spiċċat irtirat ir-reġistrazzjoni wara li allegatament saret pressjoni mill-awtoritajiet Taljani.

Intant, ilbieraħ telqu minn Malta l-aħħar grupp ta’ immigranti li kienu daħlu abbord l-MV Aquarius.

Aħbarijiet Oħra
Qorti

Raġel ta’ 49 sena residenti l-Gżira nħeles mill-arrest wara li darab ħafif lis-sieħba tiegħu li jgħixu flimkien. Quddiem il-Maġistrat Joe Mifsud, il-vittma qalet li tixtieq li jibqgħu jgħixu flimkien u…

Aktar