Lokali
L-Arċisqof iżur il-pazjenti Maltin f’Londra

L-Arċisqof Charles J. Scicluna temm żjara pastorali f’Londra, l-Ingilterra, li matulha mexxa ċ-ċelebrazzjoni tal-festa tal-Madonna tal-Vitorja fl-okkażjoni ta’ Malta Day – UK.  Waqt li kien Londra, Monsinjur Scicluna ħa l-okkażjoni biex iżur il-pazjenti Maltin li qed jingħataw il-kura f’Londra.

Iċ-ċelebrazzjoni tal-festa tal-Vitorja saret fil-Katidral ta’ Westminster nhar is-Sibt bħala parti mill-attivitajiet organizzati mill-Kummissjoni Għolja ta’ Malta f’Londra b’kollaborazzjoni mal-għaqdiet tal-Maltin fir-Renju Unit.

Waqt l-omelija, l-Arċisqof ħeġġeġ biex filwaqt li niċċelebraw ir-rebħiet fuq l-assedji li għaddiet minnhom Malta, nitolbu li nirbħu wkoll dawk l-assedji li qed iħabbtu lis-soċjetà tal-lum.

Monsinjur Arċisqof semma fost l-oħrajn il-ħtieġa li niddefendu l-valuri tal-familja u li nħarsu d-dinjità tal-bniedem, u li nibqgħu ngħaddu dan il-wirt ta’ valuri u ta’ fidi lill-ġenerazzjonijiet futuri.

Matul iż-żjara tiegħu f’Londra, l-Arċisqof żar ukoll il-pazjenti Maltin fl-isptarijiet ta’ Royal Marsden Hospital Sutton u Fulham, Great Ormond Street Hospital u National Hospital for Neurology and Neurosurgery.

Fil-kappella tal-Isptar Great Ormond Street, Monsinjur Arċisqof iċċelebra Quddiesa li matulha talab għall-morda kollha u għammed tarbija Maltija.  L-Arċisqof żar ukoll il-Maltin fl-appartamenti ta’ Puttinu Cares.

 

Aħbarijiet Oħra
Lokali

Libjan ta’ 37 sena baqa’ jinżamm arrestat wara li ġie mixli li l-Ħadd li għadda aggredixxa lill-kantanta Mikaela Attard u l-ħabiba tagħha waqt li kienu Paceville. Ġie allegat li l-Libjan…

Lokali

Żewġt aħwa li jumejn ilu kienu involuti fi ġlieda f’Ħal Tarxien inżammu arrestati wara li wieġbu mhux ħatja għal sensiela ta’ akkużi fosthom li darbu gravi lil raġel ta’ 36…

Lokali

Stħarriġ professjonali, indipendenti u estensiv juri li l-ħaddiema fis-settur pubbliku f’sena jieħdu medja ta’ jum wieħed biss ta’ sick leave aktar mill-ħaddiema fis-settur privat. Filwaqt li l-ħaddiema fis-settur privat jieħdu medja ta’…

Lokali

Il-Kamra tal-Inġiniera, f’konferenza dwar in-nirien li kienet ippjanat qabel l-inċident tan-nirien tal-Ħadd li għadda li fih tilef ħajtu Gordon Spiteri, sejħet biex jiżdiedu l-miżuri fil-binjiet f’Malta kontra n-nirien. F’intervent fil-konferenza,…

Aktar