Barranin
L-Arġentina tibqa’ bla abort wara li l-liġi m’għaddietx mis-Senat

L-abort mhux se jidħol fl-Arġentina wara li l-abbozz tal-liġi m’għaddiex mis-Senat. Il-liġi proposta kienet se tillegalizza l-abort fl-ewwel erbatax-il ġimgħa tat-tqala.

Wara li sar dibatittu, 38 senatur ivvutaw kontra u 31 favur. Dan ifisser li l-abbozz irid jitħalla fuq l-ixkaffa sas-sena d-dieħla qabel jerġa’ jitressq fis-Senat għall-approvazzjoni.

Attwalment fl-Arġentina l-abort huwa permessibbli biss f’każ ta’ stupru jew f’każ li ħajjet l-omm tkun fil-periklu. B’maġġoranza Kattolika, it-tentattivi biex il-liġi ssir iktar permessibbli sabu oġġezzjoni qawwija.

Wara li ttieħed il-vot, inqala’ l-inkwiet fit-toroq ta’ Buenos Aires, fejn kienu qed isiru dimostrazzjonijiet miż-żewġ naħat. Dimostranti favur l-abort qabbdu n-nirien u waddbu oġġetti lejn il-Pulizija.

Aħbarijiet Oħra
Barranin

Għall-imprenditur Taljan Alberto Vazzoler, li jaħbi €40,000 f’torta nejja kienet probabbli waħda mill-agħar deċiżjonijiet li qatt għamel. Dan għaliex mhux biss il-flus spiċċaw maħruqa fil-forn meta s-sieħba sabet l-istrudel u…

Barranin

F’Kalifornja, David u Louise Turpin weħlu għomorhom il-ħabs wara li nstabu ħatja li rabtu, ittorturaw u qaflu lit-13-il wild tagħhom. Il-każ imur lura għas-sena l-oħra meta tifla tal-koppja Turpin, li…

Barranin

Il-Pulizija Irlandiża ppubblikat filmati minn kameras tas-sigurtà li juru l-mumenti qabel inqatlet il-ġurnalista Lyra McKee ta’ 29 sena nhar il-Ħamis li għadda. Mc Kee, li kienet qed tirrapporta minn Derry,…

Aktar