Lokali
L-Assemblea tal-Isport tal-European Broadcasting Union 2020 se tiġi organizzata f’Malta

F’Marzu tas-sena d-dieħla se tiġi organizzata għall-ewwel darba hawn Malta l-Assemblea tal-Isport tal-European Broadcasting Union.

L-assemblea tlaqqa’ flimkien l-ogħla uffiċjali minn Eurovision Sport u delegati millpajjiżi membri tal-EBU, fosthom esperti fl-oqsma tal-akwiżizzjonijiet, operat tekniku u programmar.

L-assemblea se tkun ospitata mill-Public Broadcasting Services b’kollaborazzjoni mal-Ministeru tal-Kultura u se ssir bejn il-11 u t-13 ta’ Marzu,  fil-Grand Hotel Excelsior, il-Furjana.

Mad-90 parteċipant mistennija jattendu l-assemblea, b’kull membru tal-EBU rappreżentat minn delegati varji, u t-team ta’ Eurovision Sport immexxi mid-direttur eżekuttiv Stefan Kuerten.

Fost is-suġġetti li se jkunu diskussi fl-assemblea: il-portfolio ta’ propjetatjiet ta’ Eurovision Sport, u żviluppi speċifiċi minn pajjiżi membri tal-EBU fil-qasam tal-isport. Il-Ministru tal-Kultura Owen Bonnici għandu jindirizza s-sessjoni tal-ftuħ.

Il-PBS hija membru attiv fil-European Broadcasting Union u grazzi għall-kollaborazzjoni kontinwa bejn iż-żewġ partijiet tista’ twassal lit-telespettaturi Maltin diversi avvenimenti sportivi ewlenin, bħat-Tazza tad-Dinja tal-FIFA, mingħajr ebda ħlas fil-kumdità ta’ djarhom.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar