COVID-19
L-Assoċjazzjoni Medika twissi b’azzjoni industrijali minħabba l-attivitajiet tal-massa

L-Assoċjazzjoni Medika ta’ Malta qed titlob li l-attivitajiet tal-massa b’iktar minn 10 persuni ma jitħallewx isiru, u li l-faċilitajiet tas-saħħa jerġgħu jmorru lura għal stat ta’ emerġenza bħal ma kienu bejn Marzu u Ġunju.

Il-MAM ħabbret li tat direttivi lill-membri tagħha li huma vulnerabbli biex jagħmlu biss xogħol amministrattiv jew jaħdmu mid-dar, u lill-membri l-oħra biex jassistu fix-xogħol tagħhom ħalli l-pazjenti jieħdu l-kura li għandhom bżonn.

Wissiet, madanakollu, li jekk is-sitwazzjoni ma tinbidilx sat-Tnejn 3 t’Awwissu, se tkun qed tagħti direttivi lill-membri tagħha biex jagħmlu biss xogħol ta’ emerġenza.

Qalet li qed tirriserva d-dritt li tieħu azzjoni legali kontra min bid-deċiżjonijiet jew l-ommissjonijiet tiegħu jpoġġi l-ħajja tal-professjonisti tas-saħħa f’riskju.

Fl-istess stqarrija l-MAM allegat li hemm interferenza mill-Uffiċċju tal-Prim Ministru fil-ħidma tas-Supretendenza tas-Saħħa, b’konsegwenza li ġie ddikjarat li l-emerġenza ta’ saħħa pubblika għaddiet, meta qalet li dan mhux il-każ, u li tneħħew il-miżuri ta’ mitigazzjoni jew mhumiex infurzati b’multi.

Qalet li l-Prim Ministru għamel dikjarazzjonijiet li fihom ħeġġeġ lin-nies biex ma josservawx il-miżuri rrakkomandati mis-Supretendent tas-Saħħa, filwaqt li l-Awtorità għat-Turiżmu qed tippromwovi l-attivitajiet tal-massa.

Iktar kmieni l-Assoċjazzjoni tat-Tobba ta’ Malta wkoll appellat li jitwaqqfu l-attivitajiet tal-massa.

Ara wkoll:

L-Assoċjazzjoni tat-Tobba wkoll tappella biex jitwaqqfu l-attivitajiet tal-massa

Aħbarijiet Oħra
Kultura

Giuseppe Calì għandu rabta qawwija mal-Knisja tad-Dumnikani fil-Belt, mhux biss b’xogħlijiet ta’ arti tiegħu imma għax tgħammed u għammed lil uliedu f’din il-knisja. Fl-aħħar sena u nofs sar xogħol ta’…

Ambjent

L-għawwiema din is-sena wisq probabbli li qed jirnexxielhom jiskansaw xi tniggiża minn xi brama. Dan minħabba li l-klima sħuna ta’ din is-sena wasslet biex il-qatgħet ta’ bram jidħol qabel beda…

Infrastruttura

Il-proġett tal-parkeġġ pubbliku f’Birżebbuġa, biswit il-Port Ħieles, daħal fil-fażi tal-evalwazzjoni. Fi stqarrija l-Gvern qal li tmien kumpaniji wrew l-interess tagħhom f’dan il-proġett, li se jsir b’investiment ta’ €3.2 miljun mill-Ministeru…

Lokali

Il-Prim Ministru Robert Abela appella għal kompromess u biex jiġu evitati l-estremitajiet ħalli la l-ekonomija u lanqas is-saħħa ma jispiċċaw għarkupptejhom. F’laqgħa mal-imsieħba soċjali, fi ħdan il-Kunsill Malti għall-Iżvilupp Ekonomiku u Soċjali…

Aktar