Turiżmu
L-attività tal-cruise liners f’Malta rrankat fl-aħħar kwart tas-sena

Is-sena li għaddiet tliet mija u għaxar cruise liners daħlu fil-Port il-Kbir u ġabu Malta aktar minn sitt mitt elf turist. Għalkemm dan kien inqas mill-2017, l-industrija tal-cruise liners lejn l-aħħar tas-sena reġgħet bdiet iżżid l-attività tagħha f’Malta.

L-industrija tal-cruise liners li matul is-sena li għaddiet kellha tnaqqis fl-għadd ta’ passiġġieri li ġabet lejn Malta, tidher li bdiet turi sinjali li qed tirkupra fl-aħħar tliet xhur tas-sena li għaddiet.

Ċifri tal-Uffiċċju Nazzjonali tal-Istatistika juru li bejn Ottubru u Diċembru, li normalment huma xhur kajmana fl-industrija tal-cruise liners, kien hemm żieda ta’ aktar minn sebat elef u ħames mitt passiġġier fuq l-istess perjodu tas-sena l-oħra. Fl-aħħar kwart tas-sena li għaddiet, daħlu fil-Port il-Kbir 95 vapur tal-passiġġieri li ġabu Malta ftit aktar minn 191 elf turist.

Miċ-ċifri tal-NSO joħroġ li minnhom, kważi disat elef għaddew lejl f’Malta abbord il-vapur, waqt li kien hemm ukoll 1,600 passiġġier skorruti li waqfu f’Għawdex.

Waqt li fl-aħħar tliet xhur tas-sena, il-passiġġieri tal-cruise liners żdiedu bi 2.1 fil-mija, matul l-2018 l-industrija kellha tnaqqis ta’ 5.6 fil-mija. Fl-2018 ġew Malta kważi 633 elf passiġġier, 36 elf inqas mill-2017. Il-Port il-Kbir ra 310 vapuri tal-passiġġieri, 32 inqas mill-2017.

Il-profil tal-passiġġieri jindika li aktar min-nofshom kienu nisa, u aktar minn terz minhom kellhom bejn 60 u 79 sena. Il-parti l-kbira tal-passiġġieri ġew mill-Italja, l-Ġermanja, ir-Renju Unit, Franza u l-Istati Uniti.

Aħbarijiet Oħra
Lokali

Għandha 19-il sena u ma’ TVM irrakkuntat it-trawma kbira li għaddiet minnha minħabba dak li sejħet estremiżmu fit-twemmin ta’ komunità Nisranija. Amy Attard tirrakkonta kif minħabba hekk qed jitkissru għadd…

Riċerka

Il-lenti tal-kamera provdiet għodda lill-fotografi matul is-snin, biex bir-ritratti tagħhom iħallu xhieda tal-passaġġ tal-istorja. Il-fotografu professjonali Kevin Casha ġabar riċerka fuq kważi mitejn sena ta’ fotografija f’pubblikazzjoni li fiha ritratti…

Ippjanar u bini

Proġett li jekk ikun approvat mistenni jbiddel il-kunċett tat-trasport u l-presenza tal-vetturi fit-toroq. Studju dwar il-possibbiltà ta’ proġett ta’ Metro jew Monorail mistenni jkun ippublikat dalwaqt bil-Prim Ministru Robert Abela…

Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Aktar