Lokali
L-avventuri ta’ tfal orfni f’film ġdid bil-Malti

Koppja żagħżugħa li ilha iktar minn 10 snin involuta fiċ-ċinematografija f’Diċembru li ġej se joħorġu l-ewwel film tagħhom bil-Malti bl-appoġġ tal-fond Malti għall-film. Il-film li huwa għall-familja jitratta storja ta’ avventura dwar tfajla orfni. Għall-ewwel darba f’Malta wkoll, qabel il-film se joħroġ ktieb li b’applikazzjoni tal-mobile jista’ jara biċċiet mill-film minn fuq l-istess ktieb.

Koppja miżżżewġa – Charlo Bonnici u Ruth Frendo, ilhom snin twal jaħdmu fil-qasam tal-media u ċinematografija. Ruth kienet saħansitra ħadet sehem fil-film The Gladiator li nġibed f’pajjiżna, u dan l-aħħar wettqet għadd ta’ proġetti għat-tfal, fosthom l-ewwel film tal-familja bil-Malti bl-isem ta’ Il-Misteru tal-Għoġol tad-Deheb, maħdum minn atturi Maltin u b’direzzjoni ta’ Alenka Falzon. Il-film ilu jinħadem għal dawn l-aħħar xhur b’atturi żgħar u kbar, fosthom Aiken Buhagiar, Neve Mansueto, Henry Zammit Cordina, Christabelle Scerri, Deandra Agius, u Mandy Micallef Grimaud.

Il-produttur tal-film Charlo Bonnici qal li “l-idea twieldet sitt snn ilu, żviluppajnieha flimkien, ħriġt bl-idea u Ruth kitbitha, però fih hafna dedikazzjoni u ħin.

Għall-ewwel darba qabel joħroġ il-film se joħroġ il-ktieb tal-film, li juża l-kunċett ta’ Augmented Reality, fejn permezz ta’ applikazzjoni tal-mobile, it-tfal li jaqraw il-ktieb, jistgħu jaraw siltiet mill-film b’applikazzjoni bil-mobile. Ruth Frendo qalet li l-film u l-ktieb inħadmu b’għajnuna ta’ professjonisti internazzjonali fosthom mill-Italja. Il-pubblikazzjoni saret bl-għajnuna tal-Aġenzija Nazzjonali tal-Litteriżmu u tal-Ministeru għall-Edukazzjoni u x-Xogħol.

Ruth Frendo qalet li “l-ewwel ktieb li qed juża l-augmented reality u sar bl-għajnuna ta’ ħafna nies, u qed nistennew il-feedback mingħand l-udjenzi u telespettaturi”.

Il-koppja Ruth Frendo u Charlo Bonnici se joħorġu kotba għat-tfal li l-istampi tagħhom iħaddmu wkoll l-augmented reality bit-tfal jaraw l-istampi jinbidlu f’filmat permezz ta’ applikazzjoni tal-mobile.

Aħbarijiet Oħra
Parlament

L-għafsa ta’ qalb tan-nanniet li huma mċaħda min-neputijiet minħabba sitwazzjonijiet familjari reġgħet tqajmet fil-Parlament waqt sessjoni speċjali li kienet iddedikata lin-nanniet. Tressqet ukoll petizzjoni biex isiru emendi fil-liġijiet li jissalvagwardjaw…

Infrastruttura

Il-proġett sar b’inizjattiva tal-Kunsill Lokali tal-belt Victoria li għalih kiseb ukoll fondi mill-Unjoni Ewropea. Il-post ilu jservi ta’ spazju rikreattiv għat-tfal għal kważi ħamsin sena. Is-Sindku, Samuel Azzopardi, qal li…

Qorti

Raġel li kien qed isuq mutur bla liċenzja meta ntlaqat minn karozza, xorta waħda kien ikkumpensat għad-diżabbiltà li sofra kawża tal-inċident. Massimo Bonello ta’ 45 sena fetaħ kawża quddiem il-Qorti…

Xogħol

Ċifri tal-Uffiċċju Nazzjonali tal-Istatistika juru li x-xahar li għadda kien hemm 1,787 persuna jirreġistraw għax-xogħol. Dan juri li kien hemm tnaqqis fil-qgħad ta’ 702 persuni meta mqabbel mal-istess xahar tas-sena…

Aktar