Sajd
L-Awditur Ġenerali jiġbed l-attenzjoni li s-superviżjoni mhux effettiva fuq sajd illegali

Is-settur tas-sajd u l-akkwakultura kien taħt il-lenti tal-Awditur Ġenerali li f’rapport li ppreżenta fil-Parlament elenka nuqqasijiet li osserva fis-supervizzjoni kontra s-sajd illegali mit-taqsima tal-infurzar tad-Dipartiment tas-Sajd u l-Akwakultura.

Minkejja l-obbligi internazzjonali, Malta mhix twettaq b’mod effettiv is-superviżjoni fuq sajd illegali. Dan joħroġ mir-rapport tal-Awditur Ġenerali, Charles Deguara, fuq it-taqsima tal-infurzar tad-Dipartiment tas-Sajd u l-Akwakultura. Ir-rapport isemmi fost oħrajn li ftit huma l-bastimenti tas-sajd li għandhom l-apparat meħtieġ biex ikunu segwit is-sajd waqt li jkunu bejn sema u ilma. L-awditur qal li dan iħalli lok għal riskji sinifikanti li sajd irregolari li ma jiġix identifikat.

L-awditur qal li fit-twettiq ta’ spezzjonijiet mid-Dipartiment hemm żbilanċ għax qed jiffoka fuq numru żgħir ta’ oqsma waqt li qed jiġu mwarraba oqsma oħrajn. Ir-rapport jgħid li fost oħrajn isiru l-ispezzjonijiet fuq il-qbid tal-ħut meta l-bastimenti jidħlu lura l-port imma hu rari li jsiru l-ispezzjonijiet fuq min ibigħ il-hut lill-konsumaturi, li skont l-awditur huma kunsidrati bħala wieħed mill-kontrolli sabiex id-Dipartiment tas-Sajd u l-Akwakultura jiskopri u jieħu azzjoni fuq qbid irregolari tal-ħut.

L-uffiċċju tal-awditur wera tħassib fuq is-sitwazzjoni tar-riżorsi umani tad-Dipartiment. L-awditur ippropona lid-dipartiment biex idaħħal miżuri ta’ simplifikazzjoni fl-operat tiegħu, ħalli l-bżonn għal aktar nies jonqos minħabba żieda fl-effiċjenza. L-awditur ħeġġeġ ukoll biex l-uffiċjali jingħataw aktar taħriġ u għal titjib fis-sistema tar-rappurtaġġ tal-ispezzjonijiet li jsiru. Ir-rapport jgħid li s-sistema tal-informatika tad-dipartiment hija robusta iżda tirrekjedi ħafna xogħol li jnaqqas l-effiċjenza.

L-awditur osserva li d-Dipartiment tas-Sajd għandu funzjoni regolatorja u operattiva fl-istess ħin. Sostna li sakemm tippermetti l-prattiċità, entità li hi kunsidrata korp regolatorju m’għandhiex tkun mgħobbija b’funzjonijiet operattivi.

Aħbarijiet Oħra
Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Mużika

Il-grupp mużikali Meadow Strings ħareġ kanzunetta ġdida Alive. Meadow Strings huwa kompost minn Magdalene Farrugia u Mario Camileri. Fil-kanzunetta tagħhom, Alive huma japprezzaw is-sbuħija u l-importanza tal-ambjent. Miġbud qal is-siġar tal-Buskett…

Kronaka

Raġel ta’ 60 sena ndarab gravi wara li laqtitu l-karozza malli niżel minnha. L-inċident seħħ għall-ħabta tat-7.45am fi Triq ix-Xatt, il-Kalkara. Il-Pulizija tad-Distrett marru minnufih fuq il-post fejn minn stħarriġ…

Aktar