Droga
L-awtoritajiet b’għajn ta’ seqer fuq droga sintetika li anke b’farka kapaċi toqtol

Droga sintetika ġdida li kapaċi toqtol anke b’farka tinsab fir-radar tal-awtoritajiet li saħansitra għandhom linji gwida bi prekawzjonijiet dwar kif għandhom jittrattaw pakketti suspettużi li jista’ jkollhom id-droga Fentanyl.

Uffiċjali tal-Pulizija u tad-Dwana fost oħrajn ingħataw linji gwida dwar miżuri ta’ prekawzjoni li għandhom jieħdu meta jispezzjonaw pakketti suspettati bid-droga minħabba droga ġdida fis-suq magħrufa bħala Fentanyl, li hija droga sintetika, li hija ħafna aktar qawwija u perikoluża mill-eroina.

Godwin Sammut, Uffiċjal Xjentifiku fil-Fakultà tax-Xjenza fl-Università ta’ Malta qal li sal-lum ma jirriżultax li din id-droga daħlet Malta.

“Il-Fentanyl hija 100 darba aktar qawwija mill-morfina, jew inkella 50 darba aktar qawwija mill-eroina. Imbagħad hemm il-Carfentanil li hija problema kbira għax hija 10,000 darba iktar qawwija mill-morfina, jew 5,000 darba aktar qawwija mill-eroina. Il-Carfentanl, b’0.02mg hija biżżejjed biex toqtol persuna” spjega Sammut.

Is-Sur Sammut spjega li mhux biss min jeħodha din id-droga jista’ jmut, iżda anke min imiss magħha, fosthom infermiera li jmorru fuq każi ta’ overdose jew pulizija u uffiċjali tad-Dwana li jkunu qed jagħmlu raids jew jispezzjonaw pakketti suspettużi, li fihom jkun hemm il-Fentanyl jew il-Carfentanil. Qal li għalhekk qed jittieħdu ċerti prekawzjonijiet minn dawn il-persuni waqt il-qadi tad-doveri tagħhom.

Is-Sur Sammut qal li persuna tmut b’doża qawwija ta’ eroina ta’ bejn 10 u 12-il milligramma, iżda l-Fentanyl wieħed jista’ jkollu overdose anke b’farka.

Dan l-iżvilupp inkwetanti fis-suq illegali tad-droga seħħ fl-istess waqt li l-Parlament approva mill-istadju liġi li permezz tagħha sustanzi psikoattivi ġodda li wieħed isib fid-drogi sintetitci jkunu meqjusin bħala droga. Is-Sur Sammut qal li l-Fentanyl u Carfentanil jaqgħu wkoll taħt din il-liġi.

Godwin Sammut qal “il-lista tas-sintetiċi dejjem qed tikber u tinbidel. Għax kif tiġi kkontrollatata, li jagħmlu jbiddlu l-istruttura biex ma taqax taħt dik il-liġi. Il-Gvern kien qed jipprova jagħmel liġi li tolqot ħafna mis-sintetics, kemm dawk li daħlu u kemm dawk li jridu jidħlu”.

Is-sur Sammut stqarr li l-Pulizija u d-Dwana qed jagħmlu xogħol tajjeb ħafna għax jinsabu b’għajn ta’ seqer fuq pakketti suspettużi bid-droga sintetika li ħafna drabi jippruvaw jgħaddu mill-posta.

Aħbarijiet Oħra
Temp

L-Uffiċċju Metereoloġiku fl-Ajruport Internazzjonali ta’ Malta qed iwissi dwar riħ qawwi. Ir-riħ mix-Xlokk Lvant ser ikun qawwi fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sal-10pm u terġa tiġġedded…

Mużika

Malcolm Pisani nieda s-single ġdida bl-isem ‘RISE’, kanzunetta li hi ddedikata lill-Fondazzjoni Rise. B’din il-kanzunetta, Malcolm jixtieq iwassal messaġġ li jekk fil-ħajja tħossok imkisser u bla tama, m’għandekx taqta’ qalbek….

Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar