Lokali
AĠĠORNAT: L-awtoritajiet Sqallin jarrestaw lil Darren Debono

Tintensifika l-investigazzjoni tal-awtoritajiet Taljani dwar iċ-ċirku ta’ kriminali li allegatament jinvolvi żewġ Maltin li kien qed jittraffika lejn l-Italja u swieq oħra Ewropej miljuni ta’ ewro ta’ żejt mir-raffinerija fil-Libja. Fl-aħħar żviluppi dwar il-każ, wieħed mill-Maltin li ssemma f’dan il-każ, l-eks futboler tat-tim nazzjonali Darren Debono jinsab f’idejn il-pulizija Taljana u ittieħed fil-ħabs ta’ Katanja minn Lampedusa.

L-arrest ta’ Darren Debono ngħata prominenza mill-midja Taljana wara li huwa flimkien ma’ Malti ieħor, Gordon Debono isemma fost disa’ persuni allegatament implikati f’din l-attività kriminali msejħa żejt maħmuġ. Kontrihom inħareġ ukoll mandat ta’ arrest internazzjonali.

Skont il-Procura Distrettuale ta’ Katanja, Darren Debono huwa wieħed mill-imħuħ f’dan iċ-ċirku kriminali u qed ikun irrapportat li Debono kien f’kuntatt mal-Libjan, Fahmi Mousa Saleem ben Khalifa magħruf bħala “il Malem”, il-kap tal-milizja Libjana li għandha il-kontroll tar-raffinerija ta’ Zawrija.

Il-midja Taljan spjegat li ż-żejt misruq mir-raffinerija ta’ Zawija, jittieħed lejn il-kosta ta’ Abu Kammash, fejn iż-żejt imbagħad kien jitgħabba fuq vapuri allegatament operati minn Darren u Gordon Debono, kif ukoll minn Nicola Orazio Romeo. Iż-żejt jingħata b’dokumenti foloz fil-portijiet ta’ Augusta, Mazara del Valle, Civitavecchia u Venezja, immexxija mit-Taljan Marco Porta, kif ukoll fi Franza u Spanja.

Skont il-prosekuturi Taljani, 30 tanker ġarrew mil-Libja lejn l-Italja aktar minn mal-€50 miljun f’żejt. Huwa magħruf li Darren Debono kellu numru ta’ opri tal-baħar veloċi, l-aħħar waħda bl-isem ta’ Bonu 5 minħabba li meta kien jilgħab il-futbol kien jilgħab bin-numru ħamsa. Diversi ġurnali speċjalment Taljani qed jirreferu għall-kuntrabandu taż-żejt maħmuġ fir-rappurtaġġi tagħhom dwar il-qtil ta’ Caruana Galizia minħabba li ġieli kitbet ukoll fuq dan il-kutrabandu.

Ara wkoll:

AĠĠORNAT: Żewġ Maltin jissemmew b’rabta ma’ kuntrabandu taż-żejt

Aħbarijiet Oħra
Ekonomija u Finanzi

L-aġenzija internazzjonali Standard and Poor ikkonfermat ir-rating ta’ Malta fil-Livell A- bi prospetti pożittivi wara li l-ekonomisti tagħha sabu li l-ekonomija Maltija kompliet tikber b’pass mgħaġġel, b’żieda fl-impjiegi u tnaqqis…

Festi

Il-festi titulari fl-istaġun sajfi ġew iċċelebrati kollha. Iżda l-festi għadhom għaddejjin. Fil-fatt, fi tmiem din il-ġimgħa qed jiġu ċċelebrati ħafna festi żgħar f’kappelli li għandna f’Malta u Għawdex. Waħda minnhom…

Kronaka

Għall-ħabta tas-13:15, instabet mara mejta f’appartament fi Triq il-Kapuċċini, ir-Rabat Għawdex. Il-mara, hija Niġerjana ta’ 23 sena. M’hemm l-ebda suspett ta’ involviment ta’ terzi persuni. Dwar il-każ infetħet inkjesta mill-Maġistrat…

Edukazzjoni

Il-maġġoranza tal-istudenti tal-Knisja u Indipendenti għandhom rashom mistrieħa li minn nhar it-Tnejn ser juzaw it-trasport b’xejn għall-iskejjel. Madankollu għad fadal 830 student li qegħdin jistennew biex jinstabilhom operatur tat-trasport. Il-Ministru…

Aktar