Ekonomija u Finanzi
L-ekonomija Maltija tikber b’4.9% f’termini reali fl-ewwel tliet xhur

Skont stimi proviżorji tal-Uffiċċju Nazzjonali tal-Istatistika, l-ekonomija Maltija fl-ewwel tliet xhur tas-sena kibret b’4.9% f’termini reali u b’7.4% f’termini nominali.

L-Uffiċċju Nazzjonali tal-Istatistika qal li bejn Jannar u Marzu, il-Prodott Domestiku Gross kien ta’ €3,092 miljun wara li żdied bi kważi €214-il miljun fi tliet xhur.

It-tkabbir innutat fl-ewwel kwart tas-sena kien pass kemm kemm aktar kajman mill-istess perjodu tas-sena l-oħra. Dan wara li fid-disa xhur ta’ qabel, l-ekonomija Maltija kibret b’pass ferm iktar mgħaġġel.

Miċ-ċifri tal-NSO joħroġ li t-tkabbir ekonomiku ta’ kważi €214-il miljun fit-tliet xhur tqassam fi €72 miljun li marru f’żieda fil-pagi, 125 miljun fi profitti tal-intrapriżi u kważi 17-il miljun oħra f’taxxi.

Il-Gvern fi stqarrija osserva li din ir-rata ta’ tkabbir ekonomiku ta’ 4.9%, hija l-ogħla wahda fost il-pajjiżi taż-żona ewro u hija tliet darbiet ikbar mill-medja Ewropea.

Aħbarijiet Oħra
Temp

L-Uffiċċju Metereoloġiku fl-Ajruport Internazzjonali ta’ Malta qed iwissi b’riħ qawwi sal-lejla. Ir-riħ mill-Majjistral it-Tramuntana ser ikun qawwi fuq il-Gżejjer Maltin. Din it-twissija tibqa’ fis-seħħ sal-11pm.

Lokali

F’konferenza stampa l-Ministru tal-Ġustizzja Owen Bonnici ħabbar li fit-tmintax ta’ Diċembru se jiġi separat l-irwol tal-Avukat Ġenerali hekk kif Dr. Victoria Buttigieg se tibda r-rwol ġdid tagħha bħala l-ewwel avukat…

Qorti

Raġel ta’ 31 sena miż-Żurrieq ġie ordnat iħallas kumpens t’iktar minn €114,000 wara li nstab responsabbli għall-mewt ta’ tifla ta’ 10 snin f’inċident tat-traffiku. L-inċident seħħ f’Lulju tal-2010 fi Triq…

Lokali

L-Għaqda Mużikali Sant’Andrija ta’ Ħal Luqa f’dawn il-jiem kellha l-privileġġ li tesebixxi ħiliet artistiċi ta’ membri tagħha f’Ruma u fil-Vatikan. Bandisti jdoqqu marċi u għanjiet tal-Milied fi Pjazza San Pietru…

Aktar