Lokali
AĠĠORNAT: Iż-żewġ akkużati bi qtil ta’ Lassana Cisse Souleymane ma jingħatawx il-ħelsien mill-arrest

Waqt li kompliet il-kumpilazzjoni ta’ Lorin Scicluna u Francesco Fenech li jinsabu akkużati fost oħrajn li qatlu lil Lassana Cisse Souleymane f’April illi għadda f’Hal Far, il-Maġistrat Ian Farrugia ċaħad it-talba għall-ħelsien mill-arrest taż-żewġ akkużati.

Il-Maġistrat Ian Farrugia, kompla jisma’ x-xhieda fil-kaz ta’ Lorin Scicluna u Francesco Fenech li jinsabu mixlija fost oĦrajn bil-qtil razzista tal-immigrant Lassana Cisse Souleymane li nqatel b’tiri sparatI minn karozza f’Ħal Far f’April li għadda.

Fis-seduta xehdet Mariah Bongailas, l-eks sieħba ta’ Scicluna. Hija xehdet li kienet taraha stramba li Lorin kienet taqbiżlu dwar l-immigranti. Qalet li anke kellu biża’ li l-immigranti se jispiccaw jikkmandaw huma. Xehdet li kienet tgħidlu biex ma jagħtix kas u jħallihom jgħixu ħajjithom. Fost oħrajn xehdet li lejlet li ġie arrestat, Lorin qalilha li kien involut f’hit and run li fiha ttajjar persuna ta’ karnaġjon skur.

Hija kkonfermat li wara l-isparatura, Lorin għamel biddliet fil-karozza Toyota Starlet li allegatament intużat fir-reat. Qalet li t-tibdil kien jikkonsisti billi electrical tape, stickers u biddel il-mirja tal-ġnub biex ma tintgħarafx. Ix-xhud qalet li kienet ilha f’relazzjoni ma’ Scicluna kważi 3 snin u ħassret ftit wara li ġie arrestat.

L-Ispettur Joseph Gerada xehed li l-karozza użata fid-delitt ġiet intraċċata minn filmati tal-kameras tas-sigurtà. Qal li l-pulizija flew lista ta’ sidien li għandhom karozza tal-istess għamla sakemm waslu għal dik ta’ Scicluna. Huwa kompla jgħid li l-pulizija ġew elevati filmati oħrajn minn garaxx f’Raħal Ġdid li fihom l-akkużati jidhru jagħmlu bidliet fil-karozza.

Aħbarijiet Oħra
COVID-19

Il-Union tal-Infermiera u l-Qwiebel (MUMN) sfidat lill-Prim Ministru sabiex jippublika l-istrateġija li biha qed jillaxka r-restrizzjonijiet li ttieħdu mis-Supretendent tas-Saħħa Pubblika minħabba l-imxija tal-Covid-19. Fi stqarrija l-MUMN qalet li qed…

Safar

L-Assoċjazzjoni Maltija tal-lukandi u r-ristoranti (MHRA) laqgħet id-deċiżjoni tal-Gvern li jiftaħ mill-ġdid l-ajruport għalkemm tibqa’ żżomm mal-pożizzjoni tagħha li kien ikun aħjar għas-settur turistiku li kieku l-ajruport jiftaħ fil-15 ta’…

COVID-19

L-Assoċjazzjoni Medika Maltija (MAM) qed tħeġġeġ lill-pubbliku sabiex ikun iddixiplinat u jsegwi l-pariri tal-esperti mediċi biss. Fi stqarrrija l-MAM esprimiet tħassib dwar il-proposti tal-Prim Ministru li qalet huma mingħajr bażi…

Aktar