Lokali
‘L-emendi proposti fl-Att dwar il-Professjoni tal-Inġiniera huma detrimentali’ – L-Inġinier Micallef

Il-President tal-Kamra tal-Inġinera, Daniel Micallef, qal li l-emendi proposi fl-Att dwar il-Professjoni tal-Inġiniera huma ta’ detriment għall-professjoni.

F’konferenza tal-aħbarijiet, Dr Micallef qal li bl-emendi proposti d-definizzjoni ta’ “Inġinier” ser tinbidel ma “Servizzi ta’ Inġinerija”. Huwa qal li b’hekk persuni inqas kwalifikati se jkunu jistgħu jagħmlu servizzi ta’ inġinerija.

“Jista’ jkollok sitwazzjoni fejn kuntrattur jew industrija partikulari tuża s-servizzi ta’ persuna mhux kwalifikata xejn bla ebda forma ta’ taħriġ bażiku u s-servizzi ta’ din il-persuna jistgħu ma jkunux ivverifikati minn professjonist.”

L-Inġinier Micallef qal li l-Att Rivedut juri li l-attivitajiet tal-inġinier jirreferu biss għaċ-ċertifikazzjoni ta’ kwalunkwe servizz ta’ inġinerija mekkanika jew elettrika.

Dr Micallef talab għal estensjoni biex ikun hemm diskussjoni fost l-Inġiniera qabel dawn l-emendi jghaddu mil-Parlament.

Fi stqarrija, il-Bord tal-Professjoni tal-Inġinerija qal li jrid jassigura li l-interess aħħari ta’ dan il-proċess leġiżlattiv huwa li l-professjoni tal-inġiniera tingħata aktar rikonoxximent. Il-Bord qal li se jkompli bil-proċess ta’ konsultazzjoni mal-Kamra tal-Inġiniera sakemm jintlaħaq ftehim.

Aħbarijiet Oħra
Kronaka

Mara tinsab fil-periklu tal-mewt wara inċident li seħħ fi Triq Dun Karm, lfl-Imsida. L-inċident seħħ għall-ħabta tas-13:00t bejn vettura tat-tip Toyota Corolla misjuqa minn mara ta’ 47 sena residenti Marsaskala…

Lokali

Il-Prim Ministru Robert Abela assigura lir-rappreżentanti tal-gvernijiet barranin f’Malta li l-gvern hu impenjat jindirizza sfidi relatati mas-saltna tad-dritt, is-sistema tal-ġustizzja u l-istituzzjonijiet pubbliċi. Dr Abela qal li l-ewwel deċiżjonijiet li…

Politika

Delegazzjoni tal-Kamra tal-Kummerċ ippreżentat lill-Prim Ministru Robert Abela dokument b’aktar minn 60 proposta għat-tisħiħ tal-governanza u s-saltna tad-dritt. F’laqgħa f’Kastilja l-President tal-Kamra tal-Kummerċ, David Xuereb stqarr li l-kamra hija sodisfatta…

Lokali

Lukanda ta’ ħames stilel f’San Ġiljan bdiet tilqa’ l-ewwel klijenti tagħha din il-ġimgħa. Il-Malta Marriott Hotel and Spa’ fetħet minflok il-lukanda Le Meridien wara xogħol estensiv ta’ mmodernizzar li sar…

Aktar