Barranin
L-Etna mistenni joħloq konsegwenzi kbar anke fuq Malta

L-aktar vulkan viċin tal-gżejjer Maltin qed iċedi – dan qaluh l-esperti fi studju li ppubblikaw fuq Science Advances.

Skont l-esperti, l-Etna riesqa bi 3 ċentimetri fis-sena lejn il-baħar.

Dan il-fenomenu ilu jiġi osservat għal dawn l-aħħar snin bl-esperti jaħsbu li dan kollu qiegħed jiġi kkaġunat mis-saħħa tal-gravità.

Ladarba jċedi l-vulkan, l-esperti qed iwissu se jġib miegħu konsegwenzi kbar mal-madwar fosthom tsunami li jaf jolqot bosta pajjiżi fid-dinja u jipperikola gżejjer żgħar bħal Malta, Lampedusa u Sqallija stess.

Il-vulkan Sqalli huwa wieħed mill-aktar attivi fid-dinja u ilu jinġibed lejn il-baħar għal dawn l-aħħar 30 sena.

L-esperti ma jafux meta l-vulkan se jċedi eventwalment – jaf iċedi fi żmien ftit snin jew eluf ta’ snin oħra.

Intant, ix-xjentisti se jkomplu josservaw iċ-ċaqliq tal-vulkan.

Ara wkoll:

Malta u l-Italja f’ħidma ta’ moniteraġġ għat-terremoti u tsunami fil-Mediterran

Aħbarijiet Oħra
Kultura

Restawr estensiv fil-Berġa ta’ Aragona kixef forn uniku u fdalijiet storiċi oħra ta’ żmien il-Kavallieri. Hu maħsub li ladarba jitlestew ix-xogħlijiet ta’ restawr f’din il-berġa, dan il-wirt storiku jibqa’ mikxuf…

Kronaka

Fi stqarrija uffiċjali, il-Gvern qal li ħatar inkjesta pubblika indipendenti dwar il-qtil tal-ġurnalista Daphne Caruana Galizia. Il-Prim Ministru Joseph Muscat ħatar lill-Imħallef Emeritu Michael Mallia, biex jippresedi Kummissjoni ta’ Inkjesta…

Ambjent

Mijiet ta’ eluf ta’ dimostranti, ħafna minnhom żgħażagħ inġabru u qed ikomplu jinġabru fi bliet madwar id-dinja fi protesta biex isejħu għal azzjoni immedjata favur il-klima dinjija. F’Malta wkoll, attivitsti…

Droga

Sejba ta’ madwar seba’ kilos ħaxixa tal-Kannabis flimkien ma’ ammont ta’ trab abjad suspettat droga kokajina lesta biex tiġi traffikata saret bis-saħħa tal-Iskwadra ta’ kontra d-Droga u membri tal-RIU. Parti…

Aktar