MEUSAC
L-Ewropa fil-pala ta’ jdejk

Jekk xi ħadd jistaqsik x’inhi u x’tagħmel l-Unjoni Ewropea jistgħu jiġuk ħafna affarijiet f’moħħok, imma tirrealizza kemm tista’ tkun taf aktar.

L-għodda interattiva onlajn ‘X’tagħmel l-Unjoni Ewropea Għalija’ (https://www.what-europe-does-for-me.eu/mt/home) toffrilek mijiet ta’ noti qosra, b’eżempji ta’ modi differenti ta’ kif l-UE tagħmel differenza fil-ħajja tagħna.

Fiha tista’ ssib informazzjoni speċifika, f’400 nota dwar suġġetti differenti u dwar kif l-UE tolqtok fihom bħall-familja, is-saħħa, il-passatempi, l-ivvjaġġar, is-sigurtà, il-konsumaturi u d-drittijiet soċjali, fost l-oħrajn.

Issib ukoll kif l-UE taffettwa n-nies fil-ħajja professjonali, fosthom dawk li jrabbu n-naħal, dawk li jsuqu tal-linja u dawk li jagħmlu l-birra. U x’għamlet l-UE għal dawk li jipprattikaw l-isport u l-mużika, jew jaraw it-televiżjoni.

L-aħħar u mhux l-inqas, l-‘App taċ-Ċittadini’ tiffoka fuq oqsma differenti ta’ politika bħall-migrazzjoni, is-sigurtà, iż-żgħażagħ u anki l-futur tal-UE.

Din l-għodda tista’ tniżżilha wkoll bil-Malti fuq il-mobile mill-App Store jew Google Play.

 

Tagħrif miġbur minn:

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar