Lokali
L-eżerċizzju u l-attivitajiet jgħinu lill-anzjani biex ikunu aktar kuntenti

Wara li studju kkonferma li anzjani li jinżammu attivi huma ferm iktar sereni u kuntenti minn dawk li ma jagħmlu xejn, id-Dipartiment tal-Anzjanità Attiva se jimbarka fuq programm ta’ attivitajiet fid-djar residenzjali kollha. Id-Direttur tad-Dipartiment tal-Anzjanità Attiva Patrick Vella qal li l-programm se jitwettaq bis-sehem tal-carers li jaħdmu fid-djar li ngħataw taħriġ apposta.

Wara studju li fl-2017 fost l-anzjani fi djar residenzjali tħejja programm ta’ attivitajiet biex l-anzjani jimlew il-ġurnata u jegħlbu l-problema tas-solitudni. Dan għaliex l-istudju wera li l-anzjani li huma impenjati f’xi attività jgħixu ħajja aktar kuntenta mill-anzjani li ma jagħmlu xejn tul ġurnata sħiħa.

Patrick Vella, id-Direttur tal-Anzjanità Attiva qal li għalhekk bl-appoġġ tal-carers li ngħataw ukoll taħriġ tħejja porgramm varjat ta’ attivitajiet varji se jsiru fid-djar residenzjali kollha.

Cecilia Attard, li tqatta’ ħin mal-anzjani biex tgħallimhom jagħmlu xogħol tal-id għal mgħoddija taz-zmien, qalet li tara ħafna titjib fl-anzjani li jżommu ruħhom attivi.

Cecilia qalet “meta jibqgħu attivi ma jibqgħux jaħsbu f’li għandhom għax meta tikkonċentra fuq oġġett tikkonċentra fuq li għandek u ttajjar il-problemi li kellek qabel”.

Anzjani stess stqarrew li ma kinitx faċli biex jadattaw mill-ħajja tad-dar għall-ħajja fid-dar residenzjali, imma attivitajiet bħal dawn jgħinuhom jimlew il-ġurnata.

Is-Segretarju Parlamentari Anthony Agius Decelis saħaq li d-djar residenzjali tal-anzjani m’għandhomx ikunu post fejn bħal donnu jiġu pparkjati l-anzjani. Qal li dawn id-djar għandhom ikunu verament djar li fihom l-anzjani jħossuhom qed jgħixu id-dinjità tagħhom f’ambjent li jixirqilhom ħabbar li l-MCAST qed iħejji biex jibda jagħti korsijiet dwar l-anzjanità attiva.

Aħbarijiet Oħra
Kronaka

L-Erbgħa filgħodu, fl-iskola sekondarja tar-Rabat Għawdex, tliet studenti subien kellhom jittieħdu l-isptar minħabba li belgħu xi pilloli tal-irqad. Qal dan fi stqarrija l-Ministeru għall-Edukazzjoni, fejn qal li kienu l-istudenti stess…

Ekonomija u Finanzi

Il-Kamra tal-Kummerċ, l-Industrija u l-Intrapriża proponiet numru ta’ miżuri kif fil-fehma tagħha l-ekonomija Maltija tista’ tkompli tikber b’mod sostenibbli b’rispett lejn l-ambjent u l-kwalità tal-ħajja. Ir-rakkomandazzjonijiet inġabru f’dokument li joffri…

Mużika

Songcraft, proġett li jifforma parti mill-programm ta’ Spazju Kreattiv b’kollaborazzjoni ma’ Aġenżija Żgħażagħ reġa’ lura wara l-proġett pilota fl-2019 fejn ta opportunità lil kantawturi promettenti ta’ bejn is-16 u l-20 sena. Il-kantawturi magħżula…

Qorti

Issoktat l-inkjesta pubblika fil-qtil tas-Sinjura Daphne Caruana Galizia li qed tistħarreġ jekk il-Gvern setgħax jieħu miżuri biex jevita dan il-qtil. Fis-seduta tal-lum mistenni jixhed Neville Gafa. L-ewwel biex jitla’ fuq…

Aktar