Lokali
L-għawwiema jistgħu jgawdu r-ramla fil-bajja ta’ San Ġorġ f’Birżebbuġa

Tlesta l-proġett ta’ riġenerazzjoni bir-ramel naturali fil-bajja ta’ San Ġorġ f’Birżebbuġa li issa għandha medda ta’ 20 metru ramel. Il-bajja ġiet mgħammra b’faċilitajiet oħra fosthom doċċi u life guards.

Il-Ministru tat-Turiżmu Konrad Mizzi ħabbar li ser jibda xogħol ta’ riġenerazzjoni fil-bajja ta’ San Tumas, f’Wied il-Għajn magħrufa bħala l-Fajtata.

Il-Bajja ta’ San Ġorġ, f’Birżebbuġa ħadet xehta oħra wara xogħlijiet li saru fl-aħħar ġranet biex ittella’ r-ramel mill-baħar u ġie iffurmata xtajta ramlija. Bil-proġett il-bajja issa għandha medda ta’ 20 metru ramel minflok iż-żewġ metri li kellha sa ftit jiem ilu. F’jum sajfi fir-rebbiegha, l-għawwiema dlonk bdew igawdu r-ramla.

Dal-proġett sar mill-Awtorità tat-Turiżmu, bil-kollaborazzoni tal-Fondazzjoni għaż-Żoni Turistiċi bl-approvazzjoni tal-Awtorità tal-Ambjent u r-Riżorsi wara li sar studju dwar il-miżuri meħtieġa biex il-bajja tkun riġenerata u tinżamm f’kundizzjoni tajba.

Il-bajja ġiet mgħammra b’ doċċi biex l-għawwiema jitlaħħalħu mir-ramel u ‘l barra għandha wkoll is-servizz tal-life guards.

Il-Ministru tat-Turiżmu Konrad Mizzi filwaqt li inawgura x-xogħlijiet qal li l-pjan huwa li bajjiet oħra wkoll jiġu riġenerati u msebħa għall-Maltin u għat-turisti. Dr Mizzi ħabbar li ser isir xogħol ta’ riġenerazzjoni fil-bajja ta’ San Tumas, f’Wied il-Għajn magħrufa bħala l-Fajtata.

Il-Perit Kevin Fsadni mill-Awtorità tat-Turiżmu qal li għal dan il-proġett ser jintuża makkinarju differenti minn dak li ntuża fi proġetti oħra.

Il-Perit Fsadni qal “ser tintuża pompa u mhux grab f’dan il-każ u l-area minn fejn tieħu r-ramel hija ferm iżgħar milli hawn f’Birżebbuġa. L-idea hi li jiġu ppumpjat r-ramel – ikun hemm ramel u ilma li jiġi ppumpjat għal fuq il-bajja mbagħad b’sistema ta’ blokki tal-konkrit jinżamm ir-ramel u l-ilma jinżel.”

Bħalissa għaddej ukoll xogħol ta’ riġenerazzjoni fil-Bajja tal-Għar Aħmar f’Marsaxlokk u fil-Bajja tal-Balluta f’San Ġiljan li mistennija jitlestew fil-ġimgħat li ġejjin.

Aħbarijiet Oħra
Immigrazzjoni

Mill-1 ta Lulju li ġej ser jidħol fis-seħħ il-ftehim bejn Malta u l-Libja li ġie ffirmat mill-Prim Ministru Robert Abela waqt żjara ta’ ftit sigħat li għamel fi Tripli l-ġimgħa…

Lokali

Ħaddiema Torok li ġew Malta biex jaħdmu fuq proġetti kbar tal-privat qed jilmentaw li ilhom xhur ma jitħallsu l-paga mill-kumpanija Torka TACA li fost proġetti li qed taħdem fuqhom hemm…

Lokali

L-attur Mario Micallef li waqt Covid 19 wassal messaġġ b’saħħtu biex l-anzjani jibqgħu d-dar, qalilna li jħossu qisu twieled mill-ġdid, il-fatt li wara tlett xhur reġa’ qed jara l-arja ta’…

Lokali

L-Assoċjazzjoni taċ-Childcare Centres qalet li kollox jinsab lest biex minn għada jerġgħu jiftħu l-bibien tagħhom. Fost il-miżuri ta’ protezzjoni, l-impjegati f’dawn iċ-ċentri se jilbsu maskri jew visors il-ħin kollu, waqt…

Aktar