Settur Marittimu
L-ikbar kumpanija internazzjonali ta’ bastimenti ro-ro tirreġistra l-bastimenti tagħha f’Malta

L-ikbar kumpanija internazzjonali ta’ bastimenti ro-ro Wallenius Wilhelmsen ASA għażlet lil Malta biex tirreġistra l-bastimenti tagħha.  Fi stqarrija, il-Ministeru għat-Trasport qal li din il-kumpanija se tirreġistra 32 bastiment taħt l-entità Maltija tat-Tonnage Tax Regime u 21 bastiment itajru l-bandiera Maltija, tunnellaġġ net totali ta’ aktar minn 800,000 minn din il-kumpanija.

Il-Ministru Ian Borg qal li din hija kisba oħra fis-settur marittimu Malti, b’reġistru li jopera fuq il-prinċipji ta’ kwalità, reputazzjoni u kunfidenza grazzi għal politika stabbli, relazzjoni b’saħħitha ma’ Stati Membri oħra fl-UE.  Żied jgħid li din l-industrija tikkontribwixxi 12% tal-GDP ta’ pajjiżna u li ġġenerat 23,000 impjieg.

Min-naħa tiegħu, il-Kap Eżekuttiv ta’ Wallenius Wilhelmsen Craig Jasienski faħħar lir-Reġistru Malti tar-rispons attiv u l-istabbiltà li joffri lill-klijenti tiegħu, u qal li s-servizz li dejjem ingħataw ikompli jikkonferma d-deċiżjoni li l-kumpanija ħadet biex tibda tmexxi l-vapuri tagħha lejn Malta, servizz li laħaq kull aspirazzjoni.

Aħbarijiet Oħra
Partit Nazzjonalista

Fuq id-Dar Ċentrali tal-Partit Nazzjonalista feġġ kartellun li jgħid “vot kontra Delia vot kontra t-tesserati”. Dan huwa wieħed minn sensiela ta’ kartelluni li twaħħlu fl-aħħar jiem mal-faċċati tal-każini tal-Partit Nazzjonalista…

Lokali

Malta ħadet isem fit-taħriġ ta’ professjonisti fil-liġi marittima internazzjonali permezz ta’ istitut li jopera mill-Universitaà taħt l-awspiċi tal-Organizazzjoni Marittima Internazzjonali, l-IMO, li hi waħda mill-aġenziji speċjalizzati tan-Nazzjonijiet Magħquda. Fi tletin…

Lokali

Għandha l-għeruq fl-Ordni tal-Kavallieri ta’ San Ġwann u hi mnebbħa mill-valuri Kattoliċi fosthom li tkun ta’ servizz għall-oħrajn. Il-missjoni tagħha hi li ssalva l-ħajjiet tan-nies billi tkun minn tal-ewwel biex…

Aktar