L-immigranti jwaqqfu NGO biex iġibu aktar drittijiet

Afrikani li jgħixu f’Malta waqqfu għaqda mhux governattiva għall-Afrikani kollha f’Malta – Migrants Association in Malta.

Din l-għaqda hija mmexxija minn Bushra Fuad mis-Sudan.

Fi stqarrija ntqal li waqt laqgħa li jkollhom ta’ spiss il-Ħadd, diversi membri tkellmu dwar il-bżonnijiet tagħhom.

Filwaqt li esprimew il-gratitudni tagħhom għall-Malta li tagħthom il-possibilità “għat-tieni ċans fil-ħajja”, huma qalu li wara ħafna snin fil-pajjiż iħossu l-ħtieġa li jsemmgħu leħinhom u jippruvaw isibu s-soluzzjonijiet.

Intqal li ħafna ma jikkwalifikawx għal status ta’ refuġjati jew protezzjoni sussidjarja iżda jistgħu jibqgħu f’Malta bi status ta’ protezzjoni umanitarja bi ftit drittijiet.

Immigranti mis-Sudan, il-Ghana, il-Gambia, it-Togo, in-Niġerja u n-Niger qalu li ħafna minnhom diġa’ integraw fis-soċjetà ċivili Maltija iżda jħossu li għandhom inqas drittijiet minn immigranti f’pajjiżi oħra.

“Aħna naħdmu bil-permess tax-xogħol, inħallsu t-taxxa u s-sigurtà soċjali iżda meta ma jkollnix xogħol ma nirċevux benefiċċji soċjali,” qalu l-immigranti.

Ilmentaw ukoll li ma jieħdux għajnuna finanzjarja jekk xi ħadd jitlef idejh jew imut f’xi inċident industrijali.

Qalu li jridu lin-nies f’Malta u fl-Ewropa jkunu jafu x’inhi s-sitwazzjoni u kif uħud mill-immigranti ilhom f’Malta s-snin mingħajr drittijiet, passaport, benefiċċji, għajnuna medika u lanqas assigurazzjoni.

Saħqu li wara ħames snin jgħixu f’Malta għandhom ikollhom ċittadinanza, iżda dan ma jsirx.

Qalu li jridu jikkontribwixxu għat-tkabbir ekonomiku ta’ Malta u li l-għan ta’ din l-għaqda huwa biex flimkien mal-Gvern jiddiskutu biex itejbu s-sitwazzjoni.

Temmew jgħidu li l-immigranti kollha huma mħeġġa jissieħbu f’din l-għaqda u li bħalissa l-membri tagħha qed iffitxu post għall-kwiet fejn jiltaqgħu darba fil-ġimgħa għax bħalissa dan qed jagħmluh f’ħanut tax-xorb fejn ikun hemm ħafna storbju.

Aħbarijiet Oħra
Stejjer Umani

Għandu 67 sena, u flimkien ma’ missieru sa minn ċkunitu trabba b’passjoni kbira għal trakkijiet militari Amerikani u Ingliżi, u inġenji oħra fosthom magni tal-ajruplani. Michael Cachia jqatta’ ħinu jibni…

COVID-19

Il-Kamra tan-Negozji Żgħar u Medji qalet li l-aġenti u l-operaturi tal-ivvjaġar qegħdin jiffaċjaw diffikultatjiet biex joħorġu r-rifużjonijiet minħabba li l-kumpaniji turistiċi mhumiex qegħdin jibagħtulhom l-flus lura tal-vjaġġi u pakketti tal-ivjaġġar…

Immigrazzjoni

Għaxar t’ijiem wara s-sejħa tal-espressjoni għal bastiment biex fuqhom ikunu iżolati immigranti irregolari, Television Malta jinsab infurmat li l-Gvern irċieva mal-15 il-offerta. Is-sejħa ngħalqet f’nofsinhar tat-Tnejn li għadda u issa…

COVID-19

Bl-għan li jkun ta’ spalla għal negozji fid-dawl tar-realtajiet ekonomiċi tal-pandemija l-Bank Malti ta’ Żvilupp introduċa inizjattiva biex negozji żgħar li jitolbu self lill-banek ma jkollhomx bżonn jipprovdu garanziji personali…

Aktar