Lokali
L-inċineratur għall-Magħtab ukoll?

Il-Ministru tal-Ambjent, José Herrera, ħabbar fil-programm Dissett li qed titfassal liġi biex ikun obbligatorju li l-pubbliku jissepara l-iskart. Huwa ammetta li l-pajjiż jista’ jeħel multi jekk jibqa’ ma jilħaqx il-miri tar-riċiklaġġ tal-iskart. Dr Herrera qal li l-Gvern mhux ser idaħħal tariffi għal ġbir tal-iskart iżda ser iħarrax il-pieni u jżid l-infurzar. Huwa ħabbar ukoll li fil-jiem li ġejjin ser jippubblika r-rapport dwar l-impjant ġdid li jrid jinbena biex Malta jkollha inċineratur li qal li jrid isir fejn il-baħar.

Is-separazzjoni tal-iskart mistenni jsir obbligatorju hekk kif il-Gvern qiegħed jaħdem fuq liġi ġdida magħrufa bħala is-‘Circle economy act’. Ħabbar dan il-Ministru għal-Ambjent, José Herrera.

Il-Ministru għall-Ambjent José Herrera qal ”fil-ġimgħat li ġejjin inkun f’pożizzjoni li ntella’ dan id-dokument quddiem il-kabinett biex għall-ewwel darba fil-pajjiż l-aspett li nirriċiklaw u nisseparaw il-waste at source jsir obligatorju.

Waqt li l-Gvern mhux ser idaħħal tariffi għal ġbir tal-iskart, il-Minisitru Herrera qal li ser iwaqqaf direttorat li jinforza l-liġijiet u ser iħarrax il-multi fosthom għar-rimi illegali tal-iskart.

Ser isiru pieni ħorox li ser jammontaw għal eluf ta’ liri, il-Maġistratura ser ikollha l-poteri twaħħal penali kuljum, ser ikollhom il-pieni li jissekwestraw il-makkinarju użat, ser ikun hemm pieni adegwati ħafna.

Il-Ministru Herrera qal li sa Settembru, il-ġbir tal-iskart organiku se jinfirex għall-lokalitajiet kollha ta’ Malta u Għawdex. Dwar il-proġett tal-inċineratur, qal li r-rapport li sar minn grupp ta’ tekniċi li jinkludu għaqdiet ambjentali ser ikun pubblikat dalwaqt. Dr Herrera qal li l-esperti qablu mal-pariri li ngħataw lill-Gvern dwar il-ħtieġa ta’ dan l-impjant li stmat li jiswa 120 miljun ewro biex jaħraq 40% tal-iskart li jiġi ġenerat. Dwar fejn ser isir l-impjant, il-Ministru ma ikkomettiex ruħu iżda indika li jrid ikun viċin il-baħar.

”Jien ser nibgħat ir-rikomandazzjoni li għandi lejn l-ERA u lill-Planning, dawn jagħmlu l-evaluations tagħhom, jaraw l-impatti u ssir fejn ikun l-inqas impatt ambjentali, trid issir viċin il-kosta, għax trid sistema ta’ cooling, u jekk ma tkunx viċin il-kosta tiġik expensive” qal il-Ministru.

Mistoqsi jekk hux lejn il-Maghtab, il-Ministru wieġeb hekk ”mhux qed ngħid il-Magħtab, le, irrid ngħid li din it-teknoloġija għandha sistema ta’ capping tal-fumes jiġifieri inti biha din ser tnaqqas l-emissjonijiet fl-ambjent mhux iżżidhom.”

Fost temi oħra dwar l-immaniġġjar tal-iskart, ħareġ li l-Wasteserv ser ikollha toħroġ sejħa biex tesporta t-tunnellati ta’ skart elettroniku li hemm fiċ-ċentri tal-iskart goff wara li ż-żewġ kumpaniji li suppost jirkupraw dan l-iskart naqsu li jagħmlu dan. Intqal li għaddejjin diskussjonijiet dwar id-diffikultajiet li hemm bejn il-Wasteserv u ż-żewġ kumpaniji, bil-Ministru Herrera jammetti li mhux kuntent bil-mod kif qed jaħdmu l-iskemi.

Aħbarijiet Oħra
Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Kronaka

Raġel sofra minn ġrieħi gravi wara li kien involut f’inċident tat-traffiku fir-Rabat. L-inċident seħħ illum għall-ħabta tal-5.30pm fi Triq Sqaq iċ-Ċawla. Mill-ewwel stħarriġ tal-Pulizija jirriżulta li seħħet ħabta bejn żewġ…

Aktar