L-Inġiniera eliġibbli li jaħdmu bħala Site Technical Officers f’siti ta’ kostruzzjoni

Gradwati b’baċellerat fl-Inġinerija tal-Kostruzzjoni mill-MCAST u l-Inġiniera gradwati mill-Università ta’ Malta se jkunu eliġibbli li jaħdmu bħala Site Technical Officers f’siti ta’ kostruzzjoni.

Il-Ministru Ian Borg ħabbar li dan se jkun possibbli wara emendi fil-liġi li wasslet għar-riforma fis-settur tal-bini.

Il-Ministru għall-Infrastruttura Ian Borg ħabbar emendi fil-liġi li wasslet għal riforma fis-settur tal-bini. Spjega li bl-emendi li se jidħlu fis-seħħ fil-jiem li ġejjin, kull min iggradwa b’baċellerat fl-Inġinerija tal-Kostruzzjoni mill-MCAST u dawk kollha li ggradwaw bħala Inġinerija mill-Università ta’ Malta se jkunu eliġibbli jaħdmu bħala site technical officers fuq siti ta’ kostruzzjoni. Dan bil-għan li tiżdied is-sigurtà f’dawn is-siti u jiġu mħarsa aħjar il-proprjetajiet ta’ terzi, kif spjega Glen Schembri, gradwat fl-inġinerija tal-kostruzzjoni mill-MCAST.

“L-STO hu rwol li se jkun persuna li xogħla jkun bejn il-perit u l-klijent jew developer, li ħa jkun qed jieħu ħsieb li l-method statement jiġi applikat u segwit b’mod serju ħafna min-naħa tal-iżviluppatur.”

F’laqgħa ma’ studenti li qed jistudjaw biex jiksbu baċċellerat fl-inġinerija tal-kostruzzjoni fl-MCAST, il-Ministru spjega li dan hu pass ieħor mhux biss favur riforma li qal qed iġġib bidliet importanti u responsabbli, imma wkoll favur iż-żgħażagħ li għażlu din il-professjoni.

Is-Segretarju Parlamentari għall-Ippjanar u s-Suq tal-Proprjetà, Chris Agius, qal li hu sodisfatt b’din il-kollaborazzjoni ma’ istituzzjoni edukattiva bħall-MCAST.

Aħbarijiet Oħra
Lokali

Waqt li hemm stennija għall-azzjonijiet li se jittieħdu mill-Gvern wara l-konsultazzjoni pubblika li saret fuq it-traffikar uman u l-prostituzzjoni, stħarriġ mill-programm INSIGHTS li jixxandar illejla fuq TVM, wera li l-prostituzzjoni…

Politika

Il-Kap tal-Oppożizzjoni u tal-Partit Nazzjonalista Adrian Delia qal li min qed jinvestiga l-qtil ta’ Daphne Caruana Galizia għandu jkollu l-kuraġġ jasal sal-aħħar għax warajh se jsib l-appoġġ u d-difiża ta’…

Agrikultura

Skola fiż-żona “Taż-Żokrija” fil-Mosta li tifforma parti mill-Kulleġġ Maria Reġina għandha ċentru mnejn toffri lill-istudenti fl-aħħar tliet snin tas-sekondarja tagħlim fuq l-agrikoltura u t-trobbija tal-annimali. Mifrux fuq erbat elef u…

Aktar