Barranin
L-Iran iħabbar it-tmiem tal-ISIS

Il-President Iranjan Hassan Rouhani iddikjara tmiem dawk li jsejħu lilhom infushom bħala l-Istat Iżlamiku (ISIS).  Dan ħabbru waqt li kien qed jindirizza lin-nazzjon fuq l-istazzjon televiżiv tal-istat.

F’rapport fuq il-ġurnal The Independent tal-Ingilterra ntqal li l-mexxej Iranjan għadda dawn il-kummenti hekk kif mistennija ssir laqgħa tal-Lega Għarbija li fiha s-Sawdi Arabja se titlob lir-reġjun biex jingħaqad kontra l-Iran.

Kmandant tal-Gwardji Rivoluzzjonarji Iranjani, il-Ġeneral Maġġur Qassem Soleimani ukoll iddikjara tmiem il-grupp jihadista fis-Sirja u fl-Iraq f’messaġġ ippublikat fil-jiem li għaddew fuq is-sit tal-aħbarijiet tal-Gwardji Iranjani Sepah News.

Il-Gwardji Iranjani rringrazzjaw lill-alleati tagħhom, il-grupp militanti Lebaniż tal-Hezbollah, tar-rwol deċiżiv tagħhom fil-ġlieda kontra l-ISIS.

Il-milizja Iranjana għenet lill-President Sirjan Bashar al-Assad biex iżomm sod ir-riedni ta’ pajjiżu fil-gwerra ċivili kontra l-Oppożizzjoni u l-estremisti.

Fl-Iraq, il-militanti Xiti finanzjati mill-Iran, ifformaw parti mill-koalizzjoni Amerikana bl-appoġġ tal-Iraq biex iqalftu ‘l barra lill-ISIS mill-kapitali Mosul f’Ġunju li għadda u kważi rnexxielhom jeliminawhom mill-pajjiż.

Iżda skont il-korrispondent tal-Independent, dan kollu żvolġa fl-isfont tat-tensjonijiet li hemm bejn Riyadh u Tehran wara l-missila li ġiet sparata mill-Yemen lejn is-Sawdi Arabja u r-riżenja għal għarrieda tal-Prim Ministru Lebaniż Saad Hariri.

Rouhani mistenni jmur fil-belt Russa ta’ Sochi għal laqgħa mal-President Russu Vladimir Putin u l-President Tork Recep Tayyip Erdogan għal taħdidiet dwar kif se titnaqqas il-vjolenza fis-Sirja.

Aħbarijiet Oħra
Saħħa

Studju ġdid sab li fost dawk li jilbsu l-contact lenses fir-Renju Unit kellhom infenzjoni f’għajnejhom. Riċerkaturi fil-University College London sabu li l-infenzjoni fil-kornea, magħrufa bħala Acanthamoeba keratitis, kważi triplat mill-2011…

Barranin

Raġel ġie arrestat ħdejn il-Buckingham Palace wara li nqabad b’arma fuqu. Siti internazzjonali qed jirrapportaw li r-raġel ta’ 38 sena ġie mwaqqaf għall-ħabta tas-1pm mill-ħaddiema ta’ sigurtà fid-daħla tal-viżitaturi. Fuq…

Ikel

Fl-Iżvizzera, l-elettorat ivvota kontra żewġ proposti għal ikel sostenibbli. L-ewwel riżultati juru li 60% tal-elettorat ivvota kontra dawn il-proposti li kellhom l-għan jsaħħu l-agrikoltura Żvizzera u jippromwovu agrikoltura iktar sostenibbli….

Barranin

Il-Mexxej tal-Partit Laburista Ingliż, Jeremy Corbyn qal li hu lest jappoġġja referendum ieħor dwar l-Unjoni Ewropea jekk il-membri tal-partit tiegħu jkunu jridu. Qal li għalkemm hu jippreferi elezzjoni ġenerali, ikun…

Aktar