Edukazzjoni
L-iskola li ddeċidiet li tibgħat ċirkolari bl-Ingliż biss irtirat id-deċiżjoni

Skola partikolari li ddeċidiet li tibda tibgħat iċ-ċirkolari lill-ġenituri bl-Ingliż biss ħolqot dibattitu jaħraq fuq il-midja soċjali.

Kien l-awtur Trevor Zahra li fuq Facebook ippubblika parti miċ-ċirkolari ta’ din l-iskola li kienet tgħid li, minħabba l-ammont ta’ studenti barranin fl-iskola, iċ-ċirkolari kienu se jibdew jiġu mibgħuta bl-Ingliż biss.

Iktar tard l-iskola jidher li rtirat din id-deċiżjoni u ħabbret li kienet se tibda tibgħat iċ-ċirkolari kemm bl-Ingliż u anki bil-Malti.