L-Isqallin f’Kordin: it-tmien qabda sostanzjali f’ħames xhur

Tressqu l-Qorti t-tliet Sqallin li l-kmieni l-bieraħ filgħodu ġew arrestati mill-Pulizija ftit tal-ħin wara li kienu għadhom kemm waslu minn Sqallija u nqabdu fil-pussess ta’ sitt kilogrammi droga.

Claudio di Bella ta’ 30 sena, Alfio Strano ta’ 48 sena u Fernando Rubino ta’ 54 sena, kollha minn Katanja, wieġbu mhumiex ħatja li mpurtaw id-droga f’Malta. Huma ma ngħatawx il-ħelsien mill-arrest u ntbagħtu fil-Faċilita’ Korrettiva ta’ Kordin.

tvm.com.mt hu infurmat li din il-qabda ta’ droga hi riżultat ta’ ġimgħat ta’ stħarriġ mill-Pulizija mill-Iskwadra ta’ Kontra d-Droga li wasslet biex tkisser ċirku ta’ persuni li kienu qed jitraffikaw id-droga f’Malta.

Fil-vettura tal-Isqallin, il-Pulizija sabu mal-5 kilogrammi raża tal-kannabis u żewġ pakketti b’madwar kilogramma ta’ sustanza suspettata li hi ħaxixa tal-kannabis.

Dik tal-bieraħ kienet it-tmien qabda sostanzjali ta’ droga mill-Pulizija fl-aħħar ħames xhur.

F’dawn l-operazzjonijiet, l-Iskwadra ta’ Kontra d-Droga sabet 21 kilo raża tal-kannabis, 20 kilo ħaxixa tal-kannabis, kilogramm kokaina u qrib in-nofs kilo eroina.

Din id-droga instabet f’ħidmiet differenti fis-Swieqi, Buġibba, il-Mosta, Wied il-Għajn, Paceville, il-Gżira, Ħal Qormi u l-Marsa.

F’dawn il-qabdiet kienu arrestati bosta barranin.

Aħbarijiet Oħra
Politika

Il-President tar-Repubblika George Vella ħabbar li Adrian Delia għandu jibqa’ Kap tal-Oppożizzjoni ħalli dan ir-rwol ma jibqax vakanti, anki jekk tilef l-appoġġ tal-akbar grupp singlu ta’ membri parlamentari f’oppożizzjoni għall-Gvern….

Qorti

Quddiem il-Maġistrat Marseanne Farrugia llum bdiet tinstema’ l-kumpilazzjoni tax-xhieda fil-każ ta’ John Paul Woods li qed jiġi akkużat bil-qtil ta’ Charlene Farrugia u li ħeba l-katavru tagħha. Ir-raġel kien wieġeb…

Sajd

Kważi sena u nofs minn maltempata qawwija li ħalliet ħerba f’diversi nħawi tal-pajjiż, il-gvern ħabbar li qed jalloka miljun ewro għal skema ta’ kumpens finanzjarju lil sajjieda li l-bastimenti tagħhom…

Qorti

Raġel ta’ 50 sena qed ikun akkużat, fost oħrajn, li stupra lis-sieħba ripetutament u li ħa xbiehat ta’ natura sesswali tagħha bil-ħsieb li jheddidha bihom. Huwa qed jiċħad l-akkużi. Ir-raġel tressaq…

Aktar