Knisja Maltija
L-Isqfijiet jappellaw għal kalma u għaqda fil-ħidma għall-ġustizzja

L-Isqfijiet ta’ Malta appellaw lill-Kattoliċi biex f’dawn il-ġranet ta’ tensjoni jfittxu li jaħdmu flimkien, b’mod kalm u konvint, għall-verità u l-ġustizzja.

Fi stqarrija konġunta l-Arċisqof ta’ Malta Charles Scicluna, l-Isqof Awżiljarju ta’ Malta Joe Galea Curmi u l-Amministrur Appostoliku t’Għawdex Mario Grech, qalu li l-ħidma għall-ġustizzja għandha ssir f’imħabba u b’rispett lejn xulxin.

Qalu li f’dan l-appell jingħaqdu mal-President tar-Repubblika George Vella, biex is-sitwazzjoni diffiċli li għaddejjin minnha ma tkabbarx il-firda. Żiedu li fi spirtu ta’ għaqda kulħadd irid jaħdem biex l-istituzzjonijiet jagħmlu d-dover tagħhom bir-reqqa u b’mod imparzjali.

L-Isqfijiet qalu li l-opinjonijiet leġittimi għandhom ikunu espressi b’rispett lejn l-oħrajn, lejn il-verità u mingħajr ma wieħed jaqa’ fin-nassa tal-mibegħda, tal-gideb u tal-vjolenza.

Aħbarijiet Oħra
Qorti

L-Avukat Ġenerali talab lill-Qorti biex tiġi riveduta d-deċiżjoni tal-maġistrat li jagħti l-ħelsien mill-arrest liż-żewġ suldati akkużati bil-qtil tal-immigrant Lassana Cisse. Hu fil-fatt talab lill-Qorti kriminali biex tirrevoka d-deċiżjoni tal-ħelsien mill-arrest…

Politika

Fil-konferenza tal-aħbarijiet hekk kif intemm is-summit fi Brussell bejn il-mexxejja Ewropej, il-President tal-Kunsill Ewropew, Charles Michel, qal li fil-laqgħa ma saret l-ebda diskussjoni fuq l-investigazzjoni tal-assassinju ta’ Daphne Caruana Galizia….

Unjoni Ewropea

Ir-riżultat tal-elezzjoni ġenerali fir-Renju Unit jidher li sa fl-aħħar iċċara l-proċess għal Brexit. B’hekk, f’summit Ewropew, Mexxeja Ewropej talbu li dan il-ftehim jitressaq fil-Parlament Ingliż. Il-President tal-Kunsill Ewropew, Charles Michel…

Politika

Il-Kap tal-Partit Nazzjonalista, Adrian Delia, qal li mhux biżżejjed li jispiċċa Joseph Muscat minn Prim Ministru, iżda jeħtieġ tibdil fl-istituzzjonijiet biex isem Malta jitnaddaf mill-ħsara li saritlu. Dr Delia qal…

Aktar