Lokali
L-istaġun tal-lampuki mistenni jkun qasir

Beda tajjeb l-istaġun tal-lampuki din is-sena iżda bejjiegħa tal-ħut qalu li l-istaġun mistenni jkun wieħed qasir! Il-ħut frisk u tradizzjonijiet marbuta mas-sajd se jkunu fil-qalba ta’ attività organizzata mis-Segretarjat Parlamentari għas-Sajd fir-raħal tas-sajjieda.

Minkejja li l-istaġun tal-lampuki għadu bilkemm għalaq xahar, is-sajjieda diġà jħossu li dan se jerġa’ jkun staġun ieħor batut. Waqt li s-sajjieda kienu bejn sema u ilma fuq il-luzzijiet tagħhom, il-bejjegħa tal-ħut fix-xatt ta’ Marsaxlokk qalu li dis-sena il-lampuki reġgħu kienu skarsi.

F’Marsaxlokk, Victor Aquilina, sid ta’ ristorant, qal ma’ tvm.com.mt li l-lampuka fl-istaġun tagħha baqgħet ikla favorita tal-Maltin.

Minkejja li l-lampuki mhux jinqabdu bl-abbundanza, ix-Xlukkajri fi tmiem il-ġimgħa se jerġgħu jagħmlu festa ħut għax wara kollox id-diversità tal-baħar toffri varjeta ta’ ħut. Waqt li ħabbar din l-attività, is-Segretarju Parlamentari Clint Camilleri qal li nbeda l-proċess biex jinbena l-breakwater fil-Port ta’ Marsaxlokk. Huwa qal li bdew diskussjonijiet ma’ diversi entitatijiet biex dan isir.

Aħbarijiet Oħra
Lokali

Il-qorti ordnat kumpens ta’ €463,465 għal tfajla li spiċċat fuq siġġu tar-roti wara inċident fil-Qawra. It-tfajla; Vladyslava Kravchenko, disa’ snin ilu kienet f’party ħdejn Fra Ben, meta l-apparat tad-dawl waqa’…

Lokali

Mara ta’ 68 sena sofriet ġrieħi gravi wara li ttajret f’San Ġwann. L-inċident seħħ għall-ħabta tas-2.15 fi Triq Birkirkara. Il-Pulizija marru fuq il-post u mill-ewwel stħarriġ irriżulta li mara ta’…

Lokali

Bil-festini tal-Milied jinsabu fl-aqwa tagħhom, għadd ta’ entitajiet ngħaqdu flimkien f’kampanja preventiva biex min se jixrob ma jsuqx għax fi kliemhom il-ħajja mhijiex logħba. Il-ħajja mhix logħba . . ….

Lokali

L-MUT u l-MCAST se jkomplu jitkellmu sabiex tinstab soluzzjoni Il-Union tal-Għalliema, l-MUT, issospendiet id-direttiva biex nhar il-Ġimgħa jsir strajk ta’ ġurnata mill-għalliema fl-MCAST minħabba nuqqas ta’ qbil dwar il-ftehim kollettiv…

Aktar