L-istorja tar-rediffusion f’Malta

Rediffusion in Malta, A History without Future, hija pubblikazzjoni riċerkata li tiddokumenta l-istorja tar-Redifission Malta u l-ewwel snin tal-bidla għax-Xandir Pubbliku f’Malta.

Il-pubblikazzjoni hija xogħol Toni Sant li għal bosta snin ħadem fix-Xandir Pubbliku.

Dr Toni Sant għandu warajh karriera twila fix-Xandir. Kien propju minn 26 siegħa ta’ intervisti ma’ protagonisti li ħadmu fix-Xandir pubbliku fosthom Victor Aquilina, Charles Arrigo, Victor Galdes u Carmen Carbonaro flimkien ma’ riċerka li ħadet 25 sena li sawru din il-pubblikazzjoni ‘Rediffusion in Malta A History Without Future’.

Dr Toni Sant ħa sentejn biex kiteb dan il-ktieb li huwa maqsum fi tmien kapitli biex iddokumenta l-istorja ta’ kif żviluppa x-Xandir Pubbliku f’Malta minn żmien l-Ingliżi bil-kumpanija Rediffusion sakemm intemmet it-trażmissjoni bil-cable radio fl-1989 taħt Xandir Malta.

Dr Sant jgħid li l-ktieb huwa l-ewwel wieħed li jirrakkonta l-istorja tax-Xandir Pubbliku bil-lingwa Ingliża u anke għandu sensiela ta’ ritratti mill-Arkivji tal-PBS.

“Ix-Xandir Pubbliku beda fil-Belt Valletta fosthom fejn illum hemm il-Każin tal-Partit Laburista, f’parti minn Vincenti Building u anke Palazzo Caraffa minn fejn kien jixxandar wieħed mill-aktar programm popolari msemmi s-Siegħa tal-Morda. Il-ktieb jispejga kif kienu jintużaw dawn il-binjiet qabel ix-Xandir Pubbliku mexa lejn Gwardamangia u l-iżviluppi li għadda minnhom matul iż-żmien.”

Aħbarijiet Oħra
Immigrazzjoni

L-Ambaxxata tal-Istati Uniti ħabbret li l-Fondazzjoni JRS Malta rċeviet għotja ta’ flus fl-ammont ta’ $25,000, mogħtija mill-Julia Taft Refugee Fund tal-Gvern Amerikan. Il-proġett se jiffoka fuq il-promozzjoni ta’ aċċess aħjar…

Toroq

Illejla mit-8 ta’ filgħaxija sal-ħamsa t’għada filgħodu, se jitkomplew ix-xogħlijiet fuq l-itwal flyover tal-Marsa Junction Project. Sakemm issir il-gverta tal-parti tal-flyover li għaddejja fuq uħud mill-korsiji li qed jintużaw bħalissa,…

Aktar