Edukazzjoni
L-istudenti tal-iskola primarja tar-Rabat, Għawdex mhux se jiġu trasferiti fi skola oħra – Ministeru tal-Edukazzjoni

Il-Ministeru għall-Edukazzjoni u x-Xogħol qal li l-istudenti tal-iskola primarja tar-Rabat, Għawdex mhux se jiġu trasferiti fi skola oħra.

Fi stqarrija, il-Ministeru kkonferma li l-proposta li kienet saritlu  biex it-tfal tar-Rabat jiċċaqalqu fi skejjel differenti mhix ser issir.

Qal li sena wara l-oħra l-ministeru baqa’ jżid il-fondi għall-iskola primarja tar-Rabat, inkluż għall-maintenance li fil-fatt baqa’ jsir b’mod regolari. Qal li din is-sena wkoll sar investiment f’outdoor facility ġdida, turf fil-bitħa u  sistema ta’ sigurtà f’din l-iskola.

Intqal li sadanittant, kważi sentejn ilu ġie identifikat sit fejn se tinbena l-iskola primarja ġdida fir-Rabat u li l-Fondazzjoni għall-Iskejjel ta’ Għada (FTS), fi ħdan il-ministeru, issottomettiet l-applikazzjoni għand l-awtoritajiet konċernati.

Il-Ministeru qal li bħalissa huma mistennija l-permessi neċessarji biex jinbeda x-xogħol minnufih u li hu preparat biex jibda dan il-proġett ġdid mill-ewwel kif ikollu l-permessi neċessarji.

Temm jgħid li l-ministeru għandu pjanat ukoll laqgħa għall-ġenituri u l-għalliema dwar il-proġett tal-iskola l-ġdida.

Aħbarijiet Oħra
Politika

Il-Kap tal-Partit Nazzjonalista, Adrian Delia, wiegħed li gvern Nazzjonalista jreġġa’ lura d-demokrazija u jagħti lill-pajjiż viżjoni fit-tul li qal hi nieqsa fl-aġenda tal-gvern preżenti. F’mass meeting quddiem id-Dar Ċentrali f’Tal-Pietà,…

Qorti

Wayne Catania ta’ 29 sena mill-Ħamrun baqa’ miżmum arrestat wara li tessaq il-Qorti akkużat b’attentat ta’ serq ta’ vettura u li seraq u għamel ħsara fi ħwejjeġ ħaddieħor. L-akkużat wieġeb…

Qorti

Malti ta’ 36 sena ġie akkużat li l-Ġimgħa u fil-jiem ta’ qabel f’Ħal Għaxaq hedded u kkawża biża’ lil oħtu. Il-Pulizija xlietu wkoll li ta fastidju u li kkawża vjolenza…

Politika

Dwar l-inkjesta pubblika kkummenta wkoll il-Kap tal-Oppożizzjoni Adrian Delia li qal li fil-jiem li ġejjin se jlaqqa’ l-grupp parlamentari biex jiddiskuti t-twaqqif tal-inkjesta. Qal li jrid il-konfort aħħari li din…

Aktar