Edukazzjoni
L-istudenti tal-Liġi jitolbu kumpens wara li eżami sar 7 sigħat tard

L-Għaqda Studenti tal-Liġi fl-Università qed titlob biex l-istudenti fl-aħħar sena tal-kors tal-liġi jingħataw kumpens f’forma ta’ marki garantiti . . . wara li l-eżami li kellu jsir l-Erbgħa filgħodu spiċċa sar 7 sigħat tard għax l-eżami oriġinali kien fih mistoqsijiet dwar suġġetti li l-istudenti kienu diġà ġew eżaminati għalihom fl-ewwel semestru.

Fi stqarrija, l-Għaqda qalet li dan l-episodju, li sejħet bħala “inġustizzja gravi”, wassal biex l-istudenti nħakmu minn stress bla bżonn. L-Għaqda kkuntattjat lill-Fakultà tal-Liġi u qed tistenna risposta.

Fi stqarrija separata, il-Kunsill Studenti Universitarji talab biex issir reviżjoni tal-proċessi kollha biex ikun stabbilit x’mar ħażin f’dan il-każ u x’miżuri se jittieħdu biex din il-kwistjoni ma terġax tiġri. Il-Kunsill appella lit-tmexxija tal-Università biex tikkunsidra li jkollha proċeduri interni biex jindirizzaw kwistjonijiet bħal dawn u ħeġġeg biex l-Università tassigura li każi bħal dawn ikunu evitati.

Kelliem għall-Università, waqt li skuża ruħu, spjega li kull deċiżjoni dwar marki tal-eżamijiet trid tiġi diskussa mal-bord tal-eżaminaturi.

Aħbarijiet Oħra
Tfal

Il-Kap Eżekuttiv tal-Awtorità ta’ Standards ta’ ħarsien Soċjali Matthew Vella qal dawn il-linji gwida jirriflettu verament dak li għandhom bżonn it-tfal u saru wara konsultazzjoni wiesgħa ankè ma’ tfal li…

Qorti

Illum issoktat l-inkjesta pubblika fil-qtil tas-Sinjura Daphne Caruana Galizia, liema inkjesta qed tistħarreġ jekk l-awtoritajiet setgħux jieħdu miżuri biex jevitaw dan il-qtil. It-tim legali tal-familja ippreżenta dossier dwar Josef Caruana,…

Kronaka

Żewġt irġiel ġew arrestati llum fuq suspett li lbieraħ kienu involuti f’aggressjoni f’Buġibba. Il-Pulizija qalet li kmieni lbieraħ, għall-ħabta tal-5.00am, fl-Għassa tal-Qawra daħlu żewġt irġiel barranin, b’wieħed minnhom bid-demm ħiereġ…

Saħħa

Anzjani u persuni b’diżabbiltà fil-Fgura u Ħaż-Żabbar ingħaqdu ma’ dawk ta’ Birkirkara u l-Mosta fis-servizz ta’ flebotomija minn darhom. Persuni li għandhom problemi ta’ mobbiltà qed jitteħdilhom id-demm għat-testijiet mill-kumdità…

Aktar