Lokali
L-ITS bieżla tagħmel il-figolli b’risq il-MCCF

Il-President ta’ Malta żaret l-iskola tal-ITS fl-okkażjoni tal-attività organizzata għall-bejgħ tal-figolli b’risq il-Malta Community Chest Fund.

Il-President żaret waħda mill-kċejjen tal-ITS biex tosserva kif għaddejjin il-preparamenti tal-istudenti u l-għalliema f’dak li għandu x’jaqsam mal-ħelu tradizzjonali Malti tal-Għid – il-figolli.

Hija rringrazzjat lill-iskola u l-istudenti tal-inizjattiva li qed jieħdu għat-tieni sena konsekuttiva biex jgħinu lil min hu fil-bżonn.

L-Uffiċjal Eżekuttiv tal-ITS Pierre Fenech qal li l-inizjattiva qed tolqot żewġ għasafar b’ġebla waħda – mhux biss qed tgħin lill-ħaddieħor li jinsab fil-bżonn iżda qed tagħti lill-istudenti l-ħiliet meħtieġa fl-istudji tagħhom.

Il-figolli qed jinbiegħu bil-prezz ta’ €7. Tista’ tordna l-figolla billi ċċempel in-numru 2379 3255 jew b’email fuq [email protected]

 

Aħbarijiet Oħra
Droga

L-aġenzija Sedqa qed tinnota żieda fl-għadd ta’ persuni li jirrikorru għall-għajnuna minħabba l-użu ta’ stimulanti bħall-kokaina, ecstasy u b’mod partikolari d-drogi sintetiċi bħal cannabinoids li huma differenti mill-kannabis. Mill-banda l-oħra…

Saħħa

L-anzjani li jgħixu ż-Żurrieq, il-Gżira u l-Mosta qed jivjaġġaw fil-lokalità tagħhom permezz ta’ tuk tuk, li jmur għalihom id-dar u jwassalhom għall-qadja li jkollhom u jerġa’ jwassal lura. Dan huwa…

Lokali

Bħalissa, Occupy Justice qed torganizza dimostrazzjoni għall-verità u l-ġustizzja fi Pjazza l-Assedju l-Kbir.  

Saħħa

Wara xahrejn ta’ azzjonijiet industrijali mid-dentisti li jaħdmu mal-Gvern, jidher li hemm ċans ta’ żblokk bit-tilwima bejn il-Gvern u l-UHM li tirrappreżenta d-dentisti li jaħdmu fl-Isptar Mater Dei. TVM huwa…

Aktar