Lokali
L-MCCF qassmet €11.8 miljun f’għajnuna fl-2018

Matul is-sena li għaddiet il-Fondazzjoni tal-Malta Community Chest Fund qassmet €11.8 miljun f’għajnuna lil iktar minn 16,000 persuna. Dan ifisser żieda ta’ 54% fuq is-sena ta’ qabel.

Ir-rapport annwali tal-Fondazzjoni tal-Malta Community Chest Fund wera li s-sena l-oħra l-Fondazzjoni għenet iktar minn 16,000 persuna f’għajnuna li ammontat iżjed minn €11.8 miljun. Dan ifisser żieda ta’ 54% fuq is-sena ta’ qabel. Iċ-Chairman tal-Bord amministrattv, John Camilleri, qal li t-talbiet għall-għajnuna żdiedu imma żdiedet ukoll l-għajnuna mill-poplu Malti fejn inġabru miljun u tlieta u għoxrin elf ewro iżjed mis-sena 2017.

Kompla jgħid li l-Fondazzjoni tal-Malta Community Chest Fund żiedet l-għajnuna finanzjarja lill-persuni b’diżabbilità u pazjenti li kellhom bżonn kura speċjalizzata, b’iktar minn 72%. L-assistenza għal kimoterapija speċjalizzata u għall-mediċini għal mard kroniku sever, flimkien mal-għajnuna li tingħata lill-pazjenti li jkollhom bżonn kura barra minn Malta u l-qraba tagħhom kienet ta’ €9.7 miljun, żieda ta’ 73% fuq is-sena 2017.

Il-President Marie Louise Coleiro Preca rringrazzjat lil dawk kollha li jsostnu l-impenn tagħhom favur il-valur tas-solidarjetà u li qalet bis-saħħa tagħhom offrew raġġ ta’ tama lil dawk kollha li għaddew jew għaddejjin minn żminijet diffiċli.

Marie Louise Coleiro Preca qalet li bis-saħħa ta’ team kbir ta’ nies, irnexxa l-esperiment li titwaqqaf il-Fondazzjoni tal-Malta Community Chest Fund. Sostniet li permezz t’hekk saru passi kbar ‘il quddiem u qalet li s-suċċessur tagħha jrid jieħu l-Fondazzjoni fuq il-livell li jmiss li jkun hemm fondi meħtieġa u jitqassmu fejn hemm bżonn. Qalet li f’ħames snin inġabru iżjed minn €25 miljun biex ikunu mgħejjuna nies fil-bżonn.

Aħbarijiet Oħra
Immigrazzjoni

Mill-1 ta Lulju li ġej ser jidħol fis-seħħ il-ftehim bejn Malta u l-Libja li ġie ffirmat mill-Prim Ministru Robert Abela waqt żjara ta’ ftit sigħat li għamel fi Tripli l-ġimgħa…

Lokali

Ħaddiema Torok li ġew Malta biex jaħdmu fuq proġetti kbar tal-privat qed jilmentaw li ilhom xhur ma jitħallsu l-paga mill-kumpanija Torka TACA li fost proġetti li qed taħdem fuqhom hemm…

Lokali

L-attur Mario Micallef li waqt Covid 19 wassal messaġġ b’saħħtu biex l-anzjani jibqgħu d-dar, qalilna li jħossu qisu twieled mill-ġdid, il-fatt li wara tlett xhur reġa’ qed jara l-arja ta’…

Lokali

L-Assoċjazzjoni taċ-Childcare Centres qalet li kollox jinsab lest biex minn għada jerġgħu jiftħu l-bibien tagħhom. Fost il-miżuri ta’ protezzjoni, l-impjegati f’dawn iċ-ċentri se jilbsu maskri jew visors il-ħin kollu, waqt…

Aktar