Politika
L-MEA tipproponi li jonqsu l-Ministri u d-deputati u jogħlew is-salarji

L-Assoċjazzjoni ta’ Min Iħaddem qed tipproponi li jonqsu d-deputati fil-Parlament u l-Ministri fil-kabinett, waqt li jingħataw salarji aħjar, kemm lid-deputati Parlamentari kif ukoll lill-Ministru u Segretarji Parlamentari. L-assoċjazzjoni ppreżentat dokument bil-proposti tagħha lill-Ministru fl-Uffiċċju tal-Prim Ministru, Carmelo Abela.

Fih, fost oħrajn, tgħid li l-Parlament għandu jkun ta’ 45 deputat full-time, madwar 20 membri inqas minn kif inhuwa bħalissa. L-Assoċjazzjoni qalet li d-deputati full-time għandhom ikollhom salarju ta’ €55,000. Qed tipproponi wkoll li l-kabinett ikun magħmul biss minn tmien Ministri, bis-Segretarji Parlamentari jitħallsu €65,000 u l-Ministri b’salarju ta’ €85,000 fis-sena. Qalet ukoll li s-salarju tal-Prim Ministru għandu jkun ta’ €110,000 fis-sena.

L-assoċjazzjoni waqt li argumentat favur din ir-riforma, insistiet li l-Membri Parlamentari m’għandhomx ikollhom xogħol ieħor mal-Gvern jew mal-privat. Qalet ukoll li kull ministeru m’għandux ikollu aktar minn tliet impjegati maħtura bħala persuni ta’ fiduċja u li l-kuntratti tagħhom għandhom ikunu pubbliċi. Qed tirrakkomanda wkoll li l-partiti poltiċi jkunu finanzjati mill-istat u li l-partiti ma jkunux jistgħu jiġbru fondi.

L-Assoċjazzjoni ta’ Min Iħaddem qalet li dawn ir-riformi għandhom ikunu parti minn pakkett biex terġa’ titrawwem il-fiduċja tal-pubbliku fl-istituzzjonijiet pubbliċi.

Aħbarijiet Oħra
Lokali

L-Għaqda Nature Trust qalet li għamlet rapport lill-Awtorità tal-Ambjent u qed taħsibha li tirraporta wkoll lid-Direttorat tal-Ambjent tal-Kummissjoni Ewropea wara li nnutat li radam mill-bini tat-triq f”Pembroke qed jispiċċa f’sit…

Knisja Maltija

Ħadd il-Palm fis-skiet, bl-insara isegwu minn djarhom il-funzjonijiet liturġiċi f’sena ta’ ċirkostanzi straordinarji. Il-Ġimgħa Mqaddsa bdiet illum bil-festa li tfakkar id-dħul ta’ Ġesù f’Ġerusalemm u tintemm bħal-lum ġimgħa bl-Għid il-Kbir….

Politika

Il-Kap tal-Oppożizzjoni u tal-Partit Nazzjonalista Adrian Delia qal li issa li l-pajjiż iddikajra emerġenza medika huwa importanti li flimkien nużaw ir-riżorsi kollha biex tintrebaħ din l-emerġenza ħalli jingħelbu l-isfidi ta’…

Lokali

Waqt li bosta minna ninsabu d-dar minħabba l-imxija tal-Coronavirus, l-annimali bħal donnu ħadu l-opportunità u qed joħorġu aktar. Grupp ta’ papri deher fejn il-baħar u dan ġibed l-attenzjoni tan-nies li…

Aktar