Unjoni Ewropea
L-MPE Mizzi tgħid li d-deċiżjoni dwar il-ħin se toħloq kaos

Il-Parlament Ewropew ilbieraħ ivvota biex il-pajjiżi tal-Unjoni Ewropea ma jibqgħux idawru l-ħin darbtejn fis-sena, iżda fl-istess waqt iddeċieda wkoll li kull pajjiż se jkun jista’ jagħżel hu liema ħin iżomm; jekk hux dak tas-sajf jew tax-xitwa.

L-MPE Marlene Mizzi vvotat kontra din il-proposta, għaliex temmen li se toħloq kaos. Fi stqarrija Marlene Mizzi qalet li mhix kontra t-tmiem tal-prattika li ndawru s-siegħa darbtejn fis-sena mill-2021, iżda ma taqbilx li kull stat membru għandu jagħżel hu liema ħin iżomm.

Hija żiedet tgħid li, fost oħrajn, kienet ipproponiet li l-Ewropa żżomm il-ħin tas-sajf, kif urew ix-xewqa l-maġġoranza taċ-ċittadini Ewropej wara l-konsulrazzjoni li saret.

Marlene Mizzi qalet li żoni ta’ ħin differenti se jħallu impatt negattiv ħafna fuq it-tħaddim xieraq tas-suq intern, minħabba nuqqas ta’ armonizzazzjoni, tfixkil tal-kummerċ u l-ivvjaġġar, u kumplikazzjonijiet fis-setturi marittimi u tal-avjazzjoni.

Ara wkoll:

Il-Parlament Ewropew jivvota dwar il-ħin tas-sajf u tax-xitwa

Aħbarijiet Oħra
Lokali

Il-bord tal-Awtorità tal-Ippjanar reġa’ kkunsidra l-applikazzjoni għall-pompa tal-petrol fil-Magħtab, wara li l-Qorti laqgħet it-talba tar-residenti li joqogħdu ħdejn il-post fejn ser tinbena l-pompa fil-Magħtab, u bagħtet l-applikazzjoni lura għall-bidu tal-proċess….

Lokali

F’għeluq il-100 sena mit-twaqqif tas-Soċjetà Muzikali Maria Assunta u l-75 sena tal-Banda Maria Assunta tal-Gudja, ġiet ippreżentata plakka ta’ apprezzament u rikonoxximent mill-President tas-Soċjetà Omar Xuereb lil Tonio Portughese, President Onorarju…

Tfal

Wara li ftit tal-jiem ilu daħlet fis-seħħ il-liġi tal-protezzjoni tal-minuri, il-Ministru għall-familja Michael Falzon ħabbar li familja li tiffosterja t-tfal f’każijiet straordinarji tista’ tadotta lit-tfal fil-kura tagħha wara tliet snin….

Aktar